ABŞ-ın Merilend ştatının polis əməkdaşları 2 nəfəri güllələyib.
Trend-in "RİA Novosti"-yə istinadən verdiyi məlumata görə, hadisə New Eastern Inn motelində baş verib.
Polis əməkdaşları həbsə order təqdim etmək üçün motelə gəliblər. Zabitlər qapılardan birini döyərək hüquq-mühafizə orqanlarının əməkdaşları olduğunu bildiriblər.
Məlumata görə, otaqdan silahlı şəxs çıxaraq, silahı polislərə tutub. Silahlı şəxsə atəş açılıb. Bu zaman otaqdan silahlı qadın çıxıb və polislər onu da güllələməli olublar. Polislərdən xəsarət alan olmayıb.
Milli.Az
