Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

"Kənardan durub, danışmaq asandır"

"Kənardan durub, danışmaq asandır"

Date: 26 October 2016 09:22

Milli.Az bildirir ki, "Neftçi"də ikinci oyununa çıxan yeni transferlərdən Conas Pessali oyundan sonra apasport.az-ın suallarını cavablandırıb.

- Siz necə, məğlubiyyətlərin səbəbini müəyyənləşdirmisinizmi?
- İkinci yenilgimdir. İstəməzdim, yeni komandamda bu hissləri yaşayım. Çalışmalıyıq, vəziyyəti düzəldək. Çox işləməliyik ki, vəziyyətdən çıxa bilək.
 
- Bu matçın derbi olduğunu bilirdinizmi?
- Əlbəttə, oyunun əhəmiyyətini bilirdim. Həm məşqçilərimiz, həm də oyunçularımız bu haqda
məlumat veriblər. İstərdim, derbinin qalibi olaq, amma yenildik və buna görə də üzülürük.
 
- Xəyalınızda canlandırdığınız "Neftçi"dirmi bu komanda?
- Gəlməmişdən əvvəl komandanın tarixi, uğurları haqda maraqlanmışdıq. Hazırkı durumunu da bilirdim. Bura kömək etmək üçün gəlmişəm. Amma hələ ki, nəticə verə bilmirik.
 
- Komanda yoldaşınız Katalin Tina azarkeşə yumruq atdı. Siz necə, onun yerində olsaydınız, həmin hərəkəti edərdiniz?
- Kənardan durub, danışmaq asandır. Məsələn, indi deyərəm ki, bunu heç vaxt etmərəm, çalışaram uzaq olum. Amma həmin vaxt emosiyalar fərqli olur.
 
- Azarkeşə qarşı bu cür hərəkət edən futbolçuya peşəkar demək olar? Bu sualla sizə onun əleyhinə qaldırmırıq, sadəcə fikrinizi bilmək istəyirik...
- Bu suala cavab verə bilməyəcəm. Çətinlik çəkirəm. Çəmi 2 həftə əvvəl gəlmişəm bura. Hələ ab-havaya uyğunlaşa bilməmişəm. Bu suala əvvəldən burda oynayan futbolçular cavab verə bilər.
 
- Növbəti turda lider "Qəbələ" ilə qarşılaşacaqsınız. Bu rəqib haqda nə bilirsiniz?
- Hər bir oyun bizim üçün vacibdir. Vəziyyətimiz elədir ki, hər oyuna final matçı kimi çıxırıq. Sabahdan baş məşqçimiz bizə lazımi tapşırıqlar verəcək, necə etməli olduğumuzu deyəcək.

Milli.Az


Tags:  Kənardan durub danışmaq asandır

RƏYLƏR


Top news