Aktual mövzular: Dollar alış-satışı , Hava haqqında, Məzənnə, Neftin qiyməti

İŞİD Mosulda dinc əhaliyə zülm edir - FOTO

İŞİD Mosulda dinc əhaliyə zülm edir - FOTO

Date: 26 October 2016 10:32

BMT oktyabrın 25-də İŞİD terrorçularının İraqın şimalında, Mosul ətrafında məhkəməsiz qətllər və edamlar, eləcə də dinc əhalidən canlı qalxan kimi istifadə edilməsinə dair ilkin hesabatları əldə etdiyini bildirib.

Milli.Az "Amerikanın səsi"nə istinadən bildirir ki, BMT-nin İnsan Haqları komitəsinin nümayəndəsi Ruber Kolvillin Cenevrədə jurnalistlərə dediyinə görə,  hesabatdakı məlumatlar hələlik tam təsdiq edilməyib, lakin burada İŞİD-in Mosul ətrafında saxladığı İraq polisinin 50 üzvünü və 15 mülki vətəndaşı çaya ataraq qətlə yetirməsinə dair faktlar qeyd edilib.

Kolvill İraq təhlükəsizlik qüvvələrinin Mosuldan cənubda odlu silahdan atəş nəticəsində ölmüş 70 mülki şəxsin cənazəsinin aşkar edildiyi haqda məlumatı da qeyd edib. Lakin qətlə görə kimin məsuliyyət daşıdığı aydın deyil.

BMT nümayəndəsi İraq və koalisiya qüvvələrini döyüşçülərin beynəlxalq humanitar qanunlara uyğun davranmasını təmin etməyə çağırıb.

ABŞ rəsmiləri bildirib ki, keçən həftə Mosulun geri alınması əməliyyatının başlamasından sonra İraq qüvvələri 800 kvadrat kilometrdən çox ərazini İŞİD qüvvələrindən azad edib.

Pentaqon sözçüsü, Hərbi Dəniz Donanmasının kapitanı Ceff Deyvis deyib ki, mühüm uğurlardan biri Mosulun mərkəzindən 30 kilometr şərqdə yerləşən Bartalla şəhərinin azad edilməsidir. O, şəhərin hazırda terrorçulardan təmizlənməsi əməliyyatının getdiyini bildirib.

İraq qüvvələri və kürdlərin peşmərgə döyüşçüləri kiçik şəhərlərdən keçərək Mosulun şimal, şərq və cənub hissələrinə irəliləməklə getdikcə şəhərin mərkəzinə yaxınlaşır.

ABŞ rəsmiləri şəhərin geri alınması prosesinin tədricən və ehtiyatla aparılacağını bildirib, lakin İraq və kürd qüvvələrinin şəhərə yaxınlaşdıqca döyüşlərin intensivləşəcəyini gözlədiklərini bildirib.

Mosul ətrafında irəliləyişə baxmayaraq İŞİD son bir neçə gün ərzində ölkə boyu bir neçə hücumlar həyata keçirib. ABŞ rəsmiləri bu hücumların diqqəti Mosul əməliyyatından yayındırmaq olduğunu bildirib.

İŞİD bazar günü şimalda Sincar şəhərinə hücum edib. Terrorçular son günlər ölkənin qərbində Rutba və şimalda Kərkük şəhərlərində də hücumlar həyata keçirib.

İŞİD terrorçuları Mosul ətrafındakı xəndəklərə yığdığı nefti yandırdıqlarından şəhərin səması qara tüstü ilə örtülüb.

Əməliyyatlar nəticəsində 2014-cü ildən bəri terrorçuların nəzarətində olan, sakinlərinin əksəriyyətini xristianlar təşkil edən kəndlər də azad olunub.

Belə kəndlərdən biri Mosuldan 15 kilometr şərqdəki Bartalla kəndidir. İŞİD buradakı kilsəni viran qoyub.

Hazırda İraqda ən böyük xristian şəhəri sayılan Qaraqoş uğrunda döyüşlər gedir.

Bu arada minlərlə mosullu şəhərdən qaçaraq Suriyaya üz tutublar.

BMT-nin Qaçqınlarla iş üzrə Ali Komissarlığı (UNHCR) İraqla Suriya sərhədindəki Rəjam əl Salib məntəqəsinin yaxınlığında Suriyaya keçən mosulluların Həssaka vilayətindəki Əl Hol şəhərinin cənubuna toplaşdıqlarını bəyan edib.

UNHCR burada 150 min qaçqını qəbul etməyə hazırlaşır.

Milli.Az






























































Tags:  İŞİD Mosulda dinc əhaliyə zülm edir FOTO

RƏYLƏR


Top news