Bakı. 26 oktyabr. REPORT.AZ/ Hollivud Şöhrət xiyabanında böyük britaniyalı aktyor Hyu Lorinin adına ulduz açılıb.
"Report" BBC-yə istinadən xəbər verir ki, o, ABŞ-da "Doktor Haus" serialında baş rolu ifa etməsiylə məşhurlaşıb.
57 yaşlı H.Lori ulduzun açılışında həyatda bəxtinin gətirdiyini və bəxtin hər zaman onun yanında olduğunu bildirib.
Qeyd edək ki, aktyor 2006-2007-ci illərdə "Doktor Haus" serialında canlandırdığı Qreqori Haus roluna görə, "Qızıl qlobus" mükafatı qazanıb. Həmin seriala çəkildikdən sonra H.Lori ən yüksək ödənişli aktyorlardan birinə çevrilib.
