Aktual mövzular: Dollar alış-satışı , Hava haqqında, Məzənnə, Neftin qiyməti

Dələduzluqda təqsirləndirilən keçmiş polis rəisinin arvadının məhkəməsində şahid hüşunu itirib

Dələduzluqda təqsirləndirilən keçmiş polis rəisinin arvadının məhkəməsində şahid hüşunu itirib

Date: 26 October 2016 13:37

Bakı. 26 oktyabr. REPORT.AZ/ Bu gün Bakı Ağır Cinayətlər Məhkəməsində dələduzluqda və rəsmi sənədləri saxtalaşdırmaqda təqsirləndirilən Leyla Əkbərovanın cinayət işi üzrə məhkəmə prosesi davam etdirilib.
“Report"un xəbərinə görə, hakim Rahib Salmanovun sədrliyi ilə keçirilən prosesdə şahid Ramin Ağayev dindirilib.
O, istintaqa verdiyi ifadəsini təsdiqləyib. Hakim isə onun istintaqa verdiyi ifadəni elan edib. R.Ağayevin istintaqa verdiyi ifadəsinə görə, Rəşad və Elşən adlı şəxs onun yanına gələrək bir neçə sənəd verib: "Həmin şəxslər sənədlərdə dəyişiklik etməyimi istədilər. Onlardan soruşanda mənə dedilər ki, "möhür və imza qalsın və yuxarı hissəsini dəyişmək lazımdır". Bundan imtina etdim. Leyla adlı xanım telefonda mənimlə danışdı. O bildirdi ki, əri polisdə işləyir, bundan öncə həmin obyektdə başqa adamla bu formada işləyib".
L.Əkbərov isə şahid R.Ağayevi birinci dəfə gördüyünü qeyd edib.
Zərərçəkmişin vəkili Vasif İsrafilov bildirib ki, R.Ağayev və L.Əkbərova arasında SMS yazışmaları, telefon danışıqları olub: "Həmin SMS yazışmasında hər şey aşkar görünür".
Daha sonra ötən prosesdə dindirilən şahid İ.Əhmədova yenidən ifadə verib. O, L.Əkbərovanın ona 12 min manat borcu olduğunu vurğulayıb: "Leyladan pulumu tələb etdiyimə görə qorxdum. Onun keçmiş əri Mahir Əkbərov söyüşlərlə danışıb mənim qabağıma çox şərtlər qoydu".
Vəkil V.İsrafilov qeyd edib ki, M.Əkbərov şahid İ. Əhmədovanın oğlunun başına oyun açdıracağı ilə hədələyib. İ.Əhmədova da vəkilin dediyini təsdiqləyib.
Prosesin sonunda şahid İ.Əhmədova çölə çıxmaq istədiyini bildirən zaman məhkəmə zalında huşunu itirib.
Məhkəmənin növbəti prosesi noyabrın 3-nə təyin edilib.
Qeyd edək ki, L.Əkbərova təxminən 150 min manat məbləğində pulu dələduzluq yolu ilə mənimsəməkdə ittiham edilir. O, vətəndaşları işə düzəltmək adı ilə aldadaraq pullarını ələ keçirib.
L.Əkbərova Cinayət Məcəlləsinin 178.3.2-ci (dələduzluq, külli miqdarda) və 320.1-ci (rəsmi sənədləri saxtalaşdırma) maddələri ilə ittiham olunur.
Xatırladaq ki, L.Əkbərova Binəqədi Rayon Polis İdarəsi Narkotiklərlə Mübarizə Şöbəsinin keçmiş rəisi Mahir Əkbərovun həyat yoldaşıdır. 

Tags:  Dələduzluqda təqsirləndirilən keçmiş polis rəisinin arvadının məhkəməsində şahid hüşunu itirib

RƏYLƏR


Top news