Aktual mövzular: Dollar alış-satışı , Hava haqqında, Məzənnə, Neftin qiyməti

Əsərində Quran yandırıldı, tutuldu

Əsərində Quran yandırıldı, tutuldu

Date: 26 October 2016 14:27

İranda bir qadının daşqalaq edilməsi barədə hələ çap edilməmiş romanı yazdığına görə yazıçı və insan haqları fəalı həbs edilib.

Qolrux Ebrahimi "İslamın müqəddəsliklərini təhqir etdiyinə" görə inqilab məhkəməsi tərəfindən məhkum olunub.

Hələ çap edilməmiş əsərin qəhrəmanı olan gənc qadın "Sürayə M-in daşqalaq edilməsi" filminə baxdıqdan sonra Quranı yandırır. Yeri gəlmişkən, bu filmin olmuş hadisə əsasında çəkildiyi bildirilir.

Daşqalaq işgəncə forması kimi dünya boyu tənqidlə qarşılanır.

Milli.Az BBC-yə istinadən bildirir ki, Amnesty International təşkilatının Yaxın Şərq və Şimali Afrika üzrə direktor müavini Magdalena Muğrabi deyib ki, yazıçı Qolrux Ebrahimi İrayi daşqalaq cəzasına qarşı çıxdığına görə həbs edilib.

O, İran hökumətini gənc yazıçı qadına qarşı ittihamlara dərhal xitam verməyə çağırıb.

Xəbər verilir ki, xanım İrayi Tehranda İnqilab Keşikçilərinin məhkəməsində müdafiəsiz keçirilən iki qısa dinləmədən sonra 6 il müddətinə azadlıqdan məhrum edilib.

Onun birinci vəkili təhlükəsizlik xidmətləri tərəfindən qorxudulub, ikinci vəkilin məhkəmədə iştirakına isə qadağan qoyulub.

Amnesty bildirir ki, yazıçı məhkəmədə özünü müdafiə imkanından məhrum edilib, çünki dinləmədə söhbət daha çox onun ərinin siyasi fəallığından gedirdi.

Onun əri tələbə fəal Ərəş Sadeqi eyni həbsxanada 15 illik məhbusluq müddətini çəkir.

Ərəş Sadeqi mövcud siyasi sistemə qarşı çıxdığına və "İslam inqilabının banisini təhqir etdiyinə" görə məhkum edilib.

"The İndependent" yazır ki, ər-arvad 2014-cü il sentyabr ayının 6-da İnqilab Keşikçiləri tərəfindən ordersiz həbs edilmişdilər.

Xanım İrayi işgəncələrə məruz qalıb.

Milli.Az


Tags:  Əsərində Quran yandırıldı tutuldu

RƏYLƏR


Top news