Füzuli rayonunda yanğın olub. Lent.az Fövqəladə Hallar Nazirliyinin saytına istinadən xəbər verir ki, Əhmədbəyli kəndində vətəndaşa məxsus ümumi sahəsi 20 m² olan avtomobil təmiri sexində təmirə dayanmış “VAZ” markalı minik avtomobilinin salonu yanıb. Avtomobilin qalan hissəsi və sex yanğından mühafizə olunub. Yanğın saat 10:51-də yanğınsöndürənlər tərəfindən söndürülüb.
Tərtər rayonunda isə ev yanıb. Sarıcalı kəndində vətəndaşa məxsus ümumi sahəsi 80 m² olan birmərtəbəli 2 otaqlı evin yanar konstruksiyaları 50 m² sahədə yanıb. Evin qalan hissəsi yanğından mühafizə olunub.
