Bakı. 26 oktyabr. REPORT.AZ/ Gürcüstan Asiya İnkişaf Bankının (ADB) Mərkəzi Asiya Regional İqtisadi Əməkdaşlıq (CAREC) Proqramına üzv olub.
“Report” xəbər verir ki, bununla CAREC üzvlərinin ümumi sayı 11-ə yüksəlib.
Məlumata görə, bu vaxta qədər CAREC Proqramına Azərbaycanla yanaşı, Əfqanıstan, Çin, Qazaxıstan, Qırğızıstan, Monqolustan, Pakistan, Tacikistan, Türkmənistan, Özbəkistan üzv olub.
Qeyd edək ki, bu gün İslamabadda (Pakistan) ADB-nin CAREC Proqramı ölkələrinin XV nazirlər konfransı işə başlayıb. Toplantıda Azərbaycanı Nəqliyyat Nazirliyi nəqliyyat siyasəti və iqtisadiyyat şöbəsinin əməkdaşları təmsil edirlər.
