Aktual mövzular: Dollar alış-satışı , Hava haqqında, Məzənnə, Neftin qiyməti

Nazirlik: "Müdafiə təyinatlı məhsulların çeşidi 2 dəfədən çox artıb"

Nazirlik: "Müdafiə təyinatlı məhsulların çeşidi 2 dəfədən çox artıb"

Date: 26 October 2016 16:12

2016-cı ilin 9 ayında Müdafiə Sənayesi Nazirliyinin müəssisələrində istehsal olunan məhsulların ümumi həcminin 81 faizini müdafiə və xüsusi təyinatlı, 19 faizini isə mülki təyinatlı məhsullar təşkil edib.

Milli.Az APA-ya istinadən bildirir ki, bu barədə MSN-nin tabeli müəssisələrində 2016-cı ilin 9 ayının yekunlarına həsr edilmiş səyyar kollegiyada məlumat verilib. Bildirilib ki, istehsal olunaraq sifarişçilərə təhvil verilən müdafiə təyinatlı məhsulların həcmi ötən ilin müvafiq dövrü ilə müqayisədə 17,6 faiz, çeşidlərinin sayı isə 2 dəfədən çox artıb: "Eləcə də, ötən ilin müvafiq dövrü ilə müqayisədə mülki məhsul istehsalında 8,2 faiz artım əldə olunub".
 
Qeyd olunub ki, ötən müddət ərzində aparılan məqsədyönlü işlər nəticəsində MSN-nin müəssisələrində müvafiq proqramlar əsasında müdafiə təyinatlı məmulatların istehsalı üçün yeni sahələrin yaradılması işləri davam etdirilib: "Hesabat dövründə cari il üçün nəzərdə tutulan tədbirlərin icrası davam etdirilib, güc strukturlarının sifarişləri üzrə bağlanmış müqavilələr əsasında müdafiə təyinatlı məmulatlar istehsal edilərək sifarişçilərə təhvil verilib. Eyni zamanda, mülki məmulatların istehsalının genişləndirilməsi üzrə işlər davam etdirilib".
 
2016-cı ilin Yaradılma Proqramına uyğun olaraq MSN-nin müəssisələrində 115 mövzu üzrə 198 mərhələni əhatə edən təcrübi konstruktor işləri də aparılır. Nazirliyin Elmi-Tədqiqat İnstitutunda cari ildə dövlət sifarişi xətti ilə 14 mövzu üzrə elmi-tədqiqat və təcrübi konstruktor işləri  davam etdirilib. Nazirlikdə fəaliyyət göstərən Elmi-Texniki Şuranın müvafiq bölmələrinin üç iclası keçirilib, iş planına daxil edilmiş müxtəlif səpgidə mövzular üzrə müzakirələr aparılıb, konkret təklif və rəylər qəbul edilib.

Milli.Az


Tags:  Nazirlik Müdafiə təyinatlı məhsulların çeşidi dəfədən çox artıb

RƏYLƏR


Top news