Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Magistr və tələbələr üçün əla təcrübə imkanı

Magistr və tələbələr üçün əla təcrübə imkanı

Date: 26 October 2016 18:05

İqtisadi İslahatların Təhlili və Kommunikasiya Mərkəzi (İİTKM) Təcrübə Proqramı elan edir.

İİTKM-dən Milli.Az-a verilən məlumata görə, Mərkəz tələbə və magistrlərə  təcrübə keçmək imkanı yaradır. Təcrübə Proqramına qoşulmaq üçün aşağıda qeyd olunan ixtisaslar üzrə təhsil alan tələbə və magistrlər, həmçinin ali  təhsilli şəxslər İİTKM-yə müraciət edə bilərlər:

- İqtisadiyyat, maliyyə, riyaziyyat, IT və ya hüquq sahələri.

Təcrübə Proqramına cəlb ediləcək namizədlər üçün aşağıdakı tələblər mövcuddur:

-  Məntiqi və analitik düşünmə qabiliyyəti;

- Xarici dildə (əsasən ingilis dili) sərbəst oxuma və başa düşmə qabiliyyəti;

- Yaxşı səviyyədə kompüter bilikləri (ofis proqramları mütləqdir)

- Ünsiyyət və təqdimat bacarığı.

Təcrübəçi kimi 3 ay müddətində işləyib müqavilə öhdəliklərini uğurla başa vuran gənclərin hər birinə Mərkəz tərəfindən xüsusi sertifikat və müsbət xasiyyətnamə veriləcəkdir.

Təcrübə proqramı həftədə beş dəfə olmaqla iş gününün yarısını əhatə edir (saat 9:00 - 12:30 və ya 14:30-18:00) və ödənişsizdir.

Proqrama qoşulmaq istəyənlərdən 30 oktyabr 2016-cı il tarixindən başlayaraq, 11 noyabr 2016-cı il tarixinə kimi info@iqtisadiislahat.org ünvanına CV(3×4 formatlı şəkil,  xarici dil biliklərini əsaslandıran sənədləri (əgər varsa) əlavə edilməklə) göndərmələri xahiş olunur.

Qeyd edək ki, yalnız ərizəsi qəbul olunan şəxslərlə əlaqə saxlanılacaq.

Daha geniş məlumat almaq istəyənlər (+99412) 521 33 18 nömrəli telefonla əlaqə saxlaya bilərlər.

Xatırladaq ki, İqtisadi İslahatların Təhlili və Kommunikasiya Mərkəzinin (İİTKM) fəaliyyətinin məqsədləri ölkənin dayanıqlı iqtisadi inkişafının təmin edilməsi istiqamətində makro və mikroiqtisadi səviyyədə təhlil və tədqiqatlar aparmaqla, analitik məlumatlar əsasında iqtisadi islahatların həyata keçirilməsi üçün təkliflər, habelə orta və uzun müddətli dövr üçün proqnozlar hazırlamaqdan, dövlət orqanlarını və qurumlarını həmin proqnozlarla təmin etməkdən, həmçinin iqtisadiyyatın müxtəlif sahələrində Azərbaycan Respublikasının nailiyyətlərinin təbliğini təşkil etməkdən ibarətdir.

Yusif Nəsirli
Milli.Az


Tags:  Magistr tələbələr əla təcrübə imkanı

RƏYLƏR


Top news