Aktual mövzular: Dollar alış-satışı , Hava haqqında, Məzənnə, Neftin qiyməti

Fuad Poladov teatrdan niyə gedib? - ÖZƏL AÇIQLAMA

Fuad Poladov teatrdan niyə gedib? - ÖZƏL AÇIQLAMA

Date: 26 October 2016 18:13

Xalq artisti Fuad Poladovun çalışdığı teatrdan getməsi ilə bağlı xəbərlər yayılıb.

Aktyorun Akademik milli dram teatrından işdən çıxarılan aktyor Hikmət Rəhimova dəstək məqsədilə bu addımı atdığı deyilir.

Bu barədə Hikmət Rəhimov feysbukda məlumat verib: “Bunu deməliyəm. Başıma gələn olaylarla bağlı mənə dəstək olan və arxamda dayanan insan Fuad müəllim Poladova minnətdaram. Polis bölməsinə, rayon polis idarəsinə məndən xəbərsiz gedən və mənə görə oradakılara narahatlığını bildirən və sonra teatrdan çıxdığını bildirən Fuad Poladov. İnanın səmimiliyimə, bununla fəxr etmirəm və şok da yaşamıram. Çünki bu, Fuad müəllimdir. Hər gün mənə ən azı 2 dəfə zəng vurub, ürək-dirək verən Fuad müəllim. Mən sizə bu dünyada da, o dünyada da minnətdaram. Bunu heç kim eləməzdi - heç kim. Hər şeyə görə çox sağ olun”.

Məsələ ilə bağlı Fuad Poladovla əlaqə saxladıq.

Bu barədə danışmaq istəmədiyini israrla söyləsə də, Xalq artisti Hikmətin yazdıqlarını eşidəndən sonra danışdı: “Xəbərim yox idi, çox təsirləndim. Hikmət çox istedadlı və potensialı olan aktyordur. Hər bir teatr üçün fəxr olardı ki, Hikmət kimi bir istedadlı aktyorla çalışsın. Hər bir teatrın bəzəyi ola bilən belə bir aktyora qarşı atılan addım təəssüf və təəccüb doğurur. Mənim ona həmişə hörmət hissim olub və istedadına dəyər vermişəm. Fikirlərinə də hörmətlə yanaşıram”.

Cəvahir Səlimqızı


Tags:  Fuad Poladov teatrdan niyə gedib ÖZƏL AÇIQLAMA

RƏYLƏR


Top news