Aktual mövzular: Dollar alış-satışı , Hava haqqında, Məzənnə, Neftin qiyməti

Vəsvəsəliyi müalicə etməyin ən qısa yolu

Vəsvəsəliyi müalicə etməyin ən qısa yolu

Date: 27 October 2016 08:27

Nəfsi xəstəlikləri müalicə etmək üçün bir ümumi müalicə vardır. Bu dərman insanın çox istəmək hissinə birbaşa təsir qoyar.

Ayətullah Behcətə "Çox yeməmək üçün nə etməli?" deyə sual verirlər. O, təklif edir ki, yeyəcəklərinizi bir qabda ayırın və deyin ki, mən ancaq bunu yeyəcəyəm. Əvvəl çox az olmasın və get-gedə həmin miqdarı azaltmağa başlayın. Bu zaman yaxşı nəticə əldə edə bilərsiniz.
Milli.Az deyerler.org-a istinadən bildirir ki, bu müalicə ancaq çox yeməyə görə deyildir. Başqa ruhi xəstəliklər üçün də təsirlidir. Çünki insan nəfsi elə xəlq edilimşdir ki, müəyən bir hədd ilə kifayətlənmək istəmir. Belə bir insan əgər kontrol etmədən ləzzətlərdən faydalanmaq istəsə, yəqin ki, məhvə doğru gedər. Ancaq əgər insan istifadə etdiklərini məhdudlaşdırarsa, bu zaman azı ilə də qane olar.
Vəsvəsə haqqında da deyə bilərik ki, əgər insan özü üçün məhdudiyyət təyin etməzsə, möcüzənin baş verməsini gözləməsin. Çünki Allah bizi imtahan edir və biz də gərək bu imtahanı yaxşı verək.
Əgər vasvası insan əlini çirk bilib, yumaq istəyirsə, gərək qərara alsın ki, 2 dəqiqədən çox yumayacaq. Çünki, məhdudiyyət qoymasa, vasvasalığı onu gülünc bir vəziyyətə salacaq. Məhdudiyyət qoysa, bu zaman nəfsi həmin miqdara qane olmağa məcbur olar. Sonrakı mərhələdə həmin miqdarı azaltmaq lazımdır.
Yaxud, dəstəmazda şəkk edirsə, gərək özünə məhdudiyyət qoysun ki, bu qədər vaxtdan artıq dəstəmaz almayacağam. Yaxud, bir qab götürsün, üzünü, qollarını suya batırmaqla dəstəmaz alsın - irtimasi dəstəmaz qaydasında. Axı ağıl bunu qəbul etməz ki, insan üzünü, qolunu suya salsın, amma hansısa dəstamaz üzvünə su çatmasın, hansısa hissə quru qalsın.
Əgər vasvası adam qüsl alırsa, edə bilər vannaya bir qədər su doldursun, tərtibi dəstəmaz niyyətilə əvvəl başını və boynunu, sonra sağ tərəfini, sonra sol tərəfini suya batırsın. Yəni, bu, irtimasi qüsl olmayacaq. İrtimasi qüsldə bədənin hamısı bir anlıq suyun altında olmalıdır. Amma tərtibi qüsldə bədənin hər hissəsi (baş-boyun, sağ tərəf, sol tərəf) ardıcıllıqla yuyulur. Odur ki, insan tərtibi qüsl niyyətilə bədənin hər hissəsini növbə ilə vannadakı suya batırır, və bu zaman qərar verir ki, bir hissəni suyun altında filan qədər vaxtdan çox saxlamayacaq. Beləliklə o, bir neçə dəqiqəyə qüslü tamam edir. Hansı ki, vasvasılığı səbəbindən buna xeyli vaxt sərf edirdi.
Bir sözlə, insan ağlabatan üsullarla gərək özünü vasvasılıqdan qorusun.
Əgər insan bu xəstəliyə çox giriftar olubsa, demək iradəsi zəifdir. İnsan gərək iradəsini də gücləndirməyə cəhd etsin və ən əsası - zikrləri desin ki, qəlblər Allahı yada salmaqla arxayınlıq tapar. Vəsvəsəyə qarşı ən yaxşı zikrlərdən biri - çoxlu "Lə iləhə illəllah" deməkdir.

Milli.Az


Tags:  Vəsvəsəliyi müalicə etməyin qısa yolu

RƏYLƏR


Top news