Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Deputatdan təklif: "Bütün qapalı məkanlarda qadağan olunsun"

Deputatdan təklif: "Bütün qapalı məkanlarda qadağan olunsun"

Date: 27 October 2016 09:42

Milli Məclisin deputatı Musa Quliyev Azərbaycanda bütün qapalı məkanlarda siqaret çəkməyin qadağan edilməsini təklif edir.

Milli.Az bildirir ki, M.Quliyev Trend-ə deyib ki, Milli Məclisin Əmək və sosial siyasət komitəsi tərəfindən hazırlanan "Tütün istehlakının məhdudlaşdırılması haqqında" qanun lahiyəsində fərdi iş otaqları və yaxud da xüsusi ayrılmış qapalı yerlərdə siqaret çəkilməsinə icazə verilir: "Mən isə hesab edirəm ki, əgər biz siqaretlə mübarizə aparırıqsa, tam mübarizə aparmalıyıq. Tam mübarizə aparmaq üçün biz Avropa ölkələrinin, o cümlədən Türkiyənin modelini əsas götürməliyik ki, istisnasız olaraq bütün qapalı məkanlarda siqaret çəkilməsi qadağan olunmalıdır. Təhsil müəssisələrinin, uşaq bağçalarının isə hətta həyətində də siqaret çəkilməsi qadağan olunmalıdır".

M.Quliyev bildirib ki, digər məsələ siqaret əleyhinə təbliğatla bağlıdır: "Televiziyalarda, radio verilişlərində siqaretin zərəri barəsində sosial reklamlar yerləşdirilməlidir. Ayda 90 dəqiqədən az olmamaq şərti ilə bütün televiziya kanalları siqaret əleyhinə maarifləndirici verilişlər verməlidir və o verilişlərin ən azı yarısı günün ən çox baxılan vaxtlarına düşməlidir".

Milli.Az


Tags:  Deputatdan təklif Bütün qapalı məkanlarda qadağan olunsun

RƏYLƏR


Top news