Ukrayna Kubokunda 1/8 final mərhələsinin oyunları keçirilib.
Milli.Az apasport.az-a istinadən xəbər verir ki, milli komandamızın üzvü Pavel Paşayevin şərəfini qoruduğu "Stal" bu mərhələdə "Mariupol"la qarşılaşıb.
Milli oyunçumuzun komandası məğlubiyyətlə üzləşib. Belə ki, oyunun əsas və əlavə vaxtı 1:1 hesablı bərabərliklə başa çatıb.
Oyun sonrası penalti seriyasında isə İliçevits təmsilçisi daha dəqiq oynayıb. Maraqlıdır ki, kamensklilərin dəqiq yerinə yetirə bilmədiyi iki vuruşdan birinin müəllifi məhz Pavel Paşayev olub.
Milli.Az
