Hökməlidə villada partlayış zamanı xəsarət alan aparat rəhbəri vəfat etdi

Hökməlidə villada partlayış zamanı xəsarət alan aparat rəhbəri vəfat etdi
11:22 27 Oktyabr 2016
203 Ölkə
Ölkə mətbuatı
A- A+

Abşeron rayonunun Hökməli qəsəbəsində yerləşən villada baş verən partlayış zamanı ağır xəsarət alan "Azəravtoyol" MMC-in Aparat rəhbəri Müşviq Abbasov dünyasını dəyişib.

Milli.Az report-a istinadən bildirir ki, hadisədən sonra M.Abbasov Türkiyəyə aparılmış və oradakı xəstəxanalardan birinə yerləşdirilmişdi.
O, oktyabrın 27-də Ankarada xəstəxanada vəfat edib.  
Şəbruz Novruzovanın vəziyyəti isə ağır olaraq qalır. 
Qeyd edək ki, oktyabrın 20-də Abşeron rayonun Hökməli qəsəbəsi Koroğlu küçəsi döngə 5 ünvanında fərdi yaşayış evində partlayış baş verib. Hadisə zamanı ev sahibi Müşviq Abbasov, həyat yoldaşı Şəbruz Novruzova, 12 yaşlı qızları Leyla Abbasova ağır xəsarət alıblar, 3 yaşlı qızları Banuçiçək Abbasova isə ölüb.
M.Abbasov və həyat yoldaşı Türkiyədə xəstəxanaya yerləşdirilmişdilər. 
Xatırladaq ki, M.Abbasov "Azəravtoyol" MMC-də Aparat rəhbəri vəzifəsində işləyib. 

Milli.Az


Xəbərin orijinal ünvanı: http://news.milli.az/incedent/483632.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR