Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Azərbaycan Şəhərsalma və Tikinti Məcəlləsinə yeni bəndlər əlavə edilir

Azərbaycan Şəhərsalma və Tikinti Məcəlləsinə yeni bəndlər əlavə edilir

Date: 27 October 2016 13:02

Bakı. 27 oktyabr. REPORT.AZ/ Azərbaycan Şəhərsalma və Tikinti Məcəlləsinə dəyişiklik edilir.
“Report”un xəbərinə görə, məcəllənin 57-ci maddəsinə yeni bənd əlavə edilib.
Əlavəyə əsasən, tikintinin layihə sənədlərində layihədən əvvəlki və sonrakı dövrlərdə ərazidəki yaşıllıqların vəziyyətini göstərən məlumatlar tam dürüst əks olunmalı, yaşıllıqların salınması mütləq həmin yaşayış məntəqəsinin yaşıllıqla təmin edilməsi normasına uyğun olmalıdır.
Həmçinin, məcəlləyə 68-ci maddəsinə də bəndlər əlavə edilib. Əlavəyə əsasən, tikinti işləri ətraf mühitin mühafizəsi, ekoloji təhlükəsizlik və sanitariya-gigiyena, habelə yaşayış məntəqələrinin yaşıllıqla təmin edilməsi normalarına uyğun olaraq həyata keçirilməlidir. Yaşayış məntəqələrinin yaşıllıqla təmin edilməsi normaları müvafiq icra hakimiyyəti orqanı tərəfindən müəyyən ediləcək.
Tikintiyə icazə sənədində tikinti ərazisində olan ağacların, kolların və digər yaşıllıqların mühafizəsi tədbirləri nəzərdə tutulmalıdır. Tikinti layihələrinin icrası nəticəsində götürülən yaşıllıqların miqdarı, növ tərkibi və bərpa dəyəri haqqında məlumatlar tikinti layihəsinin ekologiya bölməsinə daxil edilir.

Tags:  Azərbaycan Şəhərsalma Tikinti Məcəlləsinə yeni bəndlər əlavə edilir

RƏYLƏR


Top news