Bu günlərdə ölkəmizin bir sıra rayonlarına yağan qar Cəlilabadın ucqar dağ kəndlərini də ağ örpəyə bürüyüb.
Milli.Az AZƏRTAC-a istinadən xəbər verir ki, belə kəndlərdən biri də rayon mərkəzindən 50 kilometr aralıda, İran İslam Respublikası ilə sərhəddə yerləşən Şatırlı kəndidir. Kəndə düşən qarın hündürlüyü 50 santimetr təşkil edir.
Qarın bərəkət, sağlamlıq rəmzi olduğunu deyən rayon sakinləri payız fəslində belə təbiət hadisəsinin heç də tez-tez yaşanmadığını bildirirlər.
Milli.Az 
