Azərbaycan Dillər Universitetinə yeni mətbuat xidmətinin rəhbəri vəzifəsinə yeni təyinat olub.
Lent.az-ın məlumatına görə, bu vəzifəyə jurnalist Araz Ağayev təyin edilib.
Bu barədə A.Ağayev şəxsi feysbuk səhifəsində qeyd edib. O bildirib ki, 26 oktyabr 2016-cı il tarixli müvafiq əmrə əsasən Azərbaycan Dillər Universitetinin İnformasiya Departamentinin müdiri vəzifəsinə təyin olunub.
Qeyd edək ki, Araz Ağayev bu təyinatadək “Kaspi” qəzetində çalışırdı.
Daha əvvəllər isə A.Ağayev Azərbaycan Dövlət Neft Şirkətinin “Azəriqaz” İstehsalat Birliyində mətbuat xidmətinin rəhbəri vəzifəsində çalışıb.
