Bakıda klinikada iki yaşlı körpə öldü

Bakıda klinikada iki yaşlı körpə öldü
16:22 27 Oktyabr 2016
110 Ölkə
Ölkə mətbuatı
A- A+

Polis idarəsinə həkimlərin məsuliyyətsizliyinə dair növbəti şikayət daxil olub.

Bu dəfə Oksigen özəl klinikasının əməkdaşları ittiham edilir. 

Milli.Az xəbər verir ki, bu barədə sputnik-ə Nərimanov Rayon Polis İdarəsindən bildiriblər. 

Biləsuvar sakini, 1984-cü il təvəllüdlü Həsənov Ramil Qabil oğlunun sözlərinə görə, oktyabrın 26-da saat 16:58-də Təbriz küçəsində yerləşən klinikada əməliyyat stolunda onun iki yaşlı qardaşı oğlu Həsənli Məhəmməd Amil oğlu ölüb. Hələlik oğlanın ayağının əməliyyat olunduğu məlumdur. 

Oğlanın doğmaları uşağın həkimlərin məsuliyyətsizliyi ucbatından öldüyündən əmindirlər. Nərimanov Rayon Prokurorluğunda məlumatı təsdiqlədilər və əlavə etdilər ki, fakt üzrə hazırda araşdırma gedir və hələlik heç kim şübhəli şəxs kimi məsuliyyətə cəlb edilməyib.  

Səhiyyə Nazirliyinin mətbuat xidmətindən özəl klinikaların fəaliyyətinə müdaxilə etmə səlahiyyətləri olmadığı, bunun üçün istintaq orqanlarının olduğunu bildiriblər. 

Qeyd edək ki, "Oksigen" klinikası Odlar Yurdu universitetinin rektoru Munir Vəliyevin oğluna məxsusdur. Klinikanın adı dəfələrlə müxtəlif hadisələrdə hallanıb. 

Milli.Az


Xəbərin orijinal ünvanı: http://news.milli.az/country/483760.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR