Aktual mövzular: Dollar alış-satışı , Hava haqqında, Məzənnə, Neftin qiyməti

ABŞ-dakı prezident seçkiləri rublun çökməsinə səbəb ola bilər

ABŞ-dakı prezident seçkiləri rublun çökməsinə səbəb ola bilər

Date: 27 October 2016 17:12

Rusiya rublu üçün çətin günlər başlayır.

Milli.Az report-a istinadən bildirir ki, ilk baxışda rubl ilin əvvəlindən 20% möhkəmlənərək xoş təəssürat yaradır. Digər ölkələrin təqdim etdiyi faizlərlə müqayisədə Rusiya bazarı investor və spekulyantlar üçün cəlbedici olmağa davam edir. Oktyabrın 18-nə olan məlumata əsasən, ABŞ-da spekulyativ investorlar rublun zəifləməsinə qoyulan kontraktları 33 mlrd. rubl (524 mln. dollar) azaldıblar. Hazırda rublda xalis uzun mövqelər 31 900 kontrakt təşkil edir. Keçən həftə bu göstərici 17 700 olub.

Analitiklər rublda uzun mövqelərin bazar şəraitinin pisləşməsi halında rubl üçün çox kəskin dəyişəcəyini proqnozlaşdırırlar. Neft qiymətlərinin düşməsi və geosiyasi vəziyyətin pisləşməsi rublda uzun mövqelərin qısa müddətdə bağlanmasına və nəticədə, rublun devalvasiyasına gətirib çıxara bilər.
N.Kozakovanın sözlərinə görə, ABŞ-da noyabrda keçiriləcək prezident seçkiləri rublun kəskin zəifləməsinə təkan verə bilər. Seçkilərdə Hillari Klinton prezident seçilərsə, ABŞ-ın Rusiya ilə münasibətlərinin daha da pisləşməsi gözlənilir. Bundan başqa, Rusiyanın şirkət və banklarının dekabrda 17 mlrd. dollar borc və faiz ödəməsi planlaşdırılır ki, bu da rublun məzənnəsinə mənfi təsir göstərəcək.
"Report"un analitik qrupu hesab edir ki, ABŞ-dakı prezident seçkilərində Donald Trampın seçiləcəyi təqdirdə ilkin olaraq rubl güclənməyə başlasa da, daha sonra sürətlə ucuzlaşacaq. Dolların Rusiyada məzənnəsi isə ilin sonuna 70,0 RUB/USD, 2017-ci ildə 100,0 RUB/USD səviyyəsinə çatacağı istisna edilmir.

Milli.Az


Tags:  ABŞ-dakı prezident seçkiləri rublun çökməsinə səbəb ola bilər

RƏYLƏR


Top news