Bakıdakı Heydər Əliyev Mərkəzinin binası Britaniya Memarları Kral İnstitutunun (Royal Institute of British Architects - RIBA) beynəlxalq mükafatına 6 namizəddən biri oldu.
Milli.Az bildirir ki, bu barədə Trend CNN telekanalının saytına istinadən məlumat verir.
Üslub baxımından bir-birindən fərqlənən 6 binadan ibarət siyahı RIBA-nın beynəlxalq mükafatının finalçıları elan olunub.
Siyahıya Azor adalarındakı (Portuqaliya) İncəsənət Mərkəzi, Meksikada muzey, Norveçdə Mülki Mərkəz, Peruda universitet və Fransada Birinci Dünya müharibəsi memorialı da var.
Bu 6 layihə 5 qitədə 30 memarlıq layihəsi arasından beynəlxalq mükafata namizəd kimi seçilib.
2016-cı ilin dekabrında mükafatın qalibi açıqlanacaq.
Milli.Az
