İraq hərbçiləri Mosul yaxınlığında gedən döyüşlərdə İŞİD terror qruplaşmasının lideri Əbubəkr əl-Bağdadinin yaxın adamlarından birini öldürüb.
Publika.az “RİA-Novosti” agentliyinə istinadən xəbər verir ki, bu haqda yerli mənbəyə istinadən “Al Sumaria” telekanalı bildirib.
Məlumata görə, Əbu İman əl-Mosuli İŞİD-in xüsusi təyinatlılarının başçısı idi. Mənbə qeyd edib ki, atletik bədən quruluşu olduğu üçün onuməşhur “Rembo” filminin qəhrəmanının (Silvestr Stallone – red.) şərəfinə “Rembo” adlandırırdılar.
Mənbənin sözlərinə görə, əl-Mosuli Əbubəkr Bağdadiyə çox yaxın idi və bir müddət onun mühafizə qrupunda yer alıb. Daha sonra isə Mosulun müdafiəsinin möhkəmləndirilməsi üçün İŞİD-in xüsusi təyinatlılarına başçılıq edib.
İŞİD liderinin özü isə, təsdiq edilməmiş məlumatlara görə, üç gün əvvəl Mosulda olub.
Ömər Dağlı