Rusiyada Svetlana və Yuri Panteleenko cütlülüyü 23 ildir Stefan adını verdikləri ayı ilə birlikdə yaşayırlar.
Publika.az xarici KİV-lərə istinadən xəbər verir ki, ayı artıq ailənin buir üzvünə çevrilib. Hətta elə işlər görür kiŞ ona heyvan deməyə adamın dili dönmür. Stefan bir insan kimi, ev işlərində ailəyə kömək edir, divanda uzanır, televizora baxır.
Amma Stefanı saxlamaq ailə üşün o qədər də asan deyil. Onu doyurmaq üçün gündə 25 kilo təzə balıq, tərəvəz və yumurta lazım olur.
Ayı da bunun qarşılığını verir. Sahiblərinə sarılır, onlara sevgisini nümayiş etdirir. Ayının ən çox xoşladığı əyləncə isə televizora baxmaq və futbol seyr etməkdi.
