Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Nazirin “məqaləsi” haqda daha bir AÇIQLAMA

Nazirin “məqaləsi” haqda daha bir AÇIQLAMA

Date: 28 October 2016 10:09

 

“Respublika” qəzetinin bugünkü sayında təhsil naziri Mikayıl Cabbarova məxsus olduğu qeyd olunan məqalə ilə bağlı açıqlama dərc olunub.

 

Lent.az-ın Qafqazinfo-ya istinadən məlumatına görə, açıqlamada bildirilir ki, qəzetin ötən günkü sayında dərc olunan məqalə nazirliyin strukturları tərəfindən təqdim olunmuş statistik məlumatlara əsasən hazırlanıb: “Yaranmış anlaşmazlıq əməkdaşların məsələni tam araşdırmaması nəticəsində ortaya çıxmış və lazım olmayan əks sədaya səbəb olmuşdur” deyə qeyd olunan açıqlamada o da əlavə edilir ki, Təhsil Nazirliyi və “Respublika” qəzeti mövzu ilə bağlı əlavə şərhlərə ehtiyac görmür.

 

Xatırladaq ki, rəsmi dövlət qəzeti “Respublika”nın dünənki sayında müəllifi Təhsil naziri Mİkayıl Cabbarov olduğu göstərilən məqalə dərc olunub. Bu haqda açıqlama yayan Təhsil Nazirliyinin mətbuat xidməti isə sözügedən “Müstəqillik illərində Azərbaycanda təhsilin inkişafı” adlı yazının əslində nazirə heç bir dəxli yoxdur: “Təhsil Nazirliyinin mətbuat xidməti bildirir ki, qeyd olunan yazı Mikayıl Cabbarova aid deyil və onun hazırlanması ilə bağlı “Respublika” qəzetindən nazirliyə heç bir müraciət olunmayıb”.

 


Tags:  Nazirin məqaləsi haqda AÇIQLAMA


RƏYLƏR


Top news