Viktor Yuşşenko: "Siz bunu Mişadan soruşun"

Viktor Yuşşenko: "Siz bunu Mişadan soruşun"
10:17 28 Oktyabr 2016
62 Dünya
Ölkə mətbuatı
A- A+

Bakı. 28 oktyabr. REPORT.AZ/ Ukraynanın keçmiş prezidenti Viktor Yuşşenko ailəsi ilə birlikdə Gürcüstana işgüzar səfər edib.
"Report" xəbər verir ki, sabiq dövlət başçısı "Rustavi-2" televiziyasına müsahibəsində ölkəsi ilə Gürcüstan arasında hazırda faktiki heç bir əlaqənin olmadığnı bildirib.
O, Gürcüstana rəsmi səfər edəcəyinə ümidvar olduğunu da vurğulayıb: "Gürcüstanla Ukrayna arasında hazırda faktiki olaraq, heç bir əlaqənin olmaması məni ağrıdır. İkitərəfli planın olmaması, qarşılıqlı münasibətlərin hazırkı səviyyəsinin imkanlardan aşağı olması, əlaqələrin gələcəyi ilə bağlı inkişaf layihələrinin yoxluğu üzgünlük yaradır. Hesab edirəm ki, Gürcstan və gürcü xalqı Mixeil Saakaşvilinin xalqı üçün etdiyini dəyərləndirəcək. Gec ya tez biz ayılacağıq və hər şey öz yerində olacaq. Onda biz iki dövlət arasında münasibətlərdəki çatışmazlıqları, davamlı əlaqələrin qurulmasını, bölgə və Avropa səviyyəsində həmrəyliyin yaranması məsələləri yenidən gündəliyə gələcək. Fikrimcə, əlaqələrimiz daha sıx və simmetrik olarsa, bu hər iki tərəf üçün daha məhsuldar olar".
Ukraynanın keçmiş prezidenti Gürcüstan keçirlən parlament seçkilərinə münasibət bildirərkən, deyib ki, həmişə gürcü xalqına etimad göstərib və onların seçiminə də hörmət edir.
Gürcüstanın keçmiş prezidenti, hazırda Ukraynanın Odessa vilaytəinin başçısı Mixeil Saakaşvilinin vətəninə dönməsi ilə bağlı sualı cavablandıran, V.Yuşşenko deyib: "Bu sualı şərh etmək mənə çətindir. Ən yaxşısı siz bunu Mişadan soruşun".

Xəbərin orijinal ünvanı: http://report.az/region/ukraynanin-kecmis-prezidenti-yussenko-gurcustana-sefer-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR