Aktual mövzular: Dollar alış-satışı , Hava haqqında, Məzənnə, Neftin qiyməti

Suraxanıda dini ekstremizmə qarşı mübarizə ilə bağlı maarifləndirmə tədbiri keçirilib

Suraxanıda dini ekstremizmə qarşı mübarizə ilə bağlı maarifləndirmə tədbiri keçirilib

Date: 28 October 2016 12:12

Bakı. 28 oktyabr. REPORT.AZ/ Suraxanı Rayon İcra Hakimiyyəti Dini Qurumlarla İş üzrə Dövlət Komitəsi ilə birgə dini ekstremizmə qarşı mübarizə istiqamətində maarifləndirmə tədbiri keçirib.
"Report" xəbər verir ki, tədbir Dini Qurumlarla İş üzrə Dövlət Komitəsinin təşəbbüsü ilə çəkilmiş “Fitnə” sənədli filminin nümayişi ilə bağlayıb.
Suraxanı Rayon İcra Hakimiyyətinin başçısı İlqar Abbasov bildirib ki, müstəqilliyini yenidən əldə etdikdən sonra Azərbaycanda vicdan azadlığı ilə bağlı hüquqlar bərpa olunub, məscid və kilsələrin fəaliyyətinə icazə verilib, ölkə Konstitusiyasında bütün dini etiqadların qanun qarşısında bərabər olduğu göstərilib: "Azərbaycan özünün dünyəvi dövlət olduğunu müstəqilliyin ilk günündən bəyan edib və bu prinsiplərə həmişə sadiq qalıb, bərqərar olunmuş sabitliyin qorunması, vətəndaşlarımızın təhlükəsiz və sağlam cəmiyyətdə yaşaması üçün zəruri tədbirlər görür". Qeyd edilib ki, hazırda qeyri-ənənəvi dini cərəyanlar və dini radikalizm bütün cəmiyyətlər üçün bir bəlaya çevrilməkdədir. Bunun qarşısını vaxtında almaq ən vacib məsələlərdən biridir.
Dini Qurumlarla İş üzrə Dövlət Komitəsi sədrinin müavini Səyavuş Heydərov “Dini ekstremizmə qarşı mübarizə haqqında” qanunun tələblərindən irəli gələn məsələlər, dini radikalizm və onun fəsadları barədə danışıb. O, bəzi qüvvələrin din pərdəsi altında ölkənin ictimai-siyasi sabitliyinə, dövlətin hüquqi-demokratik əsaslarına qarşı yönəlmiş pozuculuq fəaliyyətlərini, vətəndaşlarımızı xaricdə fəaliyyət göstərən dini ekstremist qrupların və onların silahlı dəstələrinin tərkibinə qoşmaq cəhdlərini qətiyyətlə pisləyib. Bu cür əməllər törətməyə cəhd edənlərə qarşı dövlət qurumları tərəfindən aparılan mübarizə tədbirləri barədə geniş məlumat verib.
Baş Prokurorluğun idarə rəisinin müavini Novruz Hacıyev və Daxili İşlər Nazirliyinin baş ictimai təhlükəsizlik idarəsinin şöbə rəisi Rafiq Qaçayev ölkədəki multikultural və tolerant mühitin təməlində azərbaycançılıq ideologiyasının dayandığını bildiriblər.
Tədbir iştirakçılarına müxtəlif dini cərəyanlar və onların fəaliyyət metodları haqqında ətraflı məlumat verilib.


Tags:  Suraxanıda dini ekstremizmə qarşı mübarizə bağlı maarifləndirmə tədbiri keçirilib

RƏYLƏR


Top news