Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Yüzillik döyüşlərə saatlar qaldı – TƏHLÜKƏLİ ADDIM

Yüzillik döyüşlərə saatlar qaldı – TƏHLÜKƏLİ ADDIM

Date: 28 October 2016 13:13

İraqda İranın dəstəklədiyi şiə milislər təxminən 100 min türkmanın yaşadığı Telafer şəhərinə hücuma hazırlaşır.

Publika.az “Reuters” agentliyinə istinadən xəbər verir ki, bu haqda “Haşdi Şabi”nin sözçüsü Əhməd əl-Əsədi bildirib.

O, Telafer istiqamətində irəliləmək üçün hazırlıqları başa çatdırdığını söyləyib. “Əməliyyat yaxın günlər və yaxın saatlarda başlayacaq”, - əl-Əsədi İraq dövlət televiziyasına açıqlamasında deyib.

“Haşdi Şabi” iraqlı şiə dini lideri Əli Sistaninin 2014-cü il iyunun 13-dəki çağırışından sonra İraq hökuməti tərəfindən qurulub. Əksəriyyəti sünni və şiə türkmanlərdən ibarət olan Telafer mahalı 2014-cü il iyunun 16-da İŞİD-in əlinə keçib. Mahal Mosulun 63 kilometr qərbində yerləşir.

Türkiyə və sünni qruplar “Haşdi Şabi”nin Telafer əməliyyatına qarşı çıxır.Xüsusilə, Türkiyə prezidenti Rəcəb Tayyib Ərdoğanın məsələyə münasibəti xeyli sərtliyi ilə seçilir. Bu yaxınlardakı çıxışlarının birində Mosulun qurtarılmasına 30 min “Haşdi-Şabi” silahlısının iştirak edəcəyi xəbərinə Ərdoğanın cavabı bu şəkildə olmuşdu: “İndi deyirlər ki, 30 min adamla “Hasdi Şabi” gəlir. Gəlirsə gəlsin, gələcəyi varsa, görəcəyi də var!”.

Türkiyə dəfələrlə xəbərdarlıq edib ki, şiə gücləri Mosula və sünni ilə türkman güclərinin üstünlük təşkil etdiyi digər yaşayış məntəqələrinə girəcəyi halda, bölgədə yüzillik məzhəb döyüşləri başlaya bilər.

Ömər Dağlı


Tags:  Yüzillik döyüşlərə saatlar qaldı TƏHLÜKƏLİ ADDIM

RƏYLƏR


Top news