Aktual mövzular: Dollar alış-satışı , Hava haqqında, Məzənnə, Neftin qiyməti

Əliyar Ağayev “Qəbələ”nin oyununu idarə etmək istəməyib

Əliyar Ağayev “Qəbələ”nin oyununu idarə etmək istəməyib

Date: 28 October 2016 14:17

"Əliyar Ağayevin komandamızın oyununa təyinat almasını normal qarşıladıq. Hətta bu hakimin indiyədək "Qəbələ"nin matçlarında olmamasına təəccübləndik".

Milli.Az bildirir ki, bu fikirləri sportnet.az-a açıqlamasında "Qəbələ"nin meneceri Səbuhi Səfiyarlı deyib.
 
"Qırmızı-qaralar"ın Azərbaycan Premyer Liqasının X turunda "Neftçi" ilə sabahkı ev oyunununda baş hakim FİFA referisi Əliyar Ağayev olacaq. Həmin Ağayev ki, ötən mövsüm "Qəbələ"nin məhz "Neftçi" ilə kubok qarşılaşmasında kobud səhvə yol verib. "Bakcell Arena"da keçirilən ilk yarımfinal matçında həmin vaxt "qırmızı-qaralar"ın şərəfini qoruyan ukraynalı yarımmüdafiəçi Aleksey Qaya qarşı cərimə meydanında qapıçı Aqil Məmmədov tərəfindən aşkar kobudluq olsa da, baş hakim penalti əvəzinə legionerə simulyasiyaya görə sarı vərəqə göstərib.
 
Səfiyarlının sözlərinə görə, Ağayevin uzun müddət "Qəbələ"nin oyunlarına təyinat almamasının səbəbini Peşəkar Futbol Liqasından (PFL) maraqlanıblar. Cavab isə belə olub ki, referinin özü bir müddət "qırmızı-qaralar"ın iştirakı ilə keçirilən qarşılaşmaları idarə etmək istəməyib. Yəni, bir növ özünü psixoloji cəhətdən hazır saymayıb. "Qəbələ" rəsmisi oyunlarına hansı baş hakimin təyinat almasının önəm kəsb etmədiyini əlavə edib: "Əliyar olmayacaqdı, Rəhim Həsənovu təyin edəcəkdilər. O da son turda "Sumqayt"la matçda əleyhimizə qərarlar verdi. Orxan Məmmədov isə vaxtilə komandamızın oyununda səhvi ilə yadda qalıb. Yəni 3 FİFA referimizdən biri "Qəbələ"nin görüşünə təyin olunmalı idi. Əliyarı münasib biliblər, onu təyin ediblər".
 
Məlum olduğu kimi, 2011/12 mövsümündə məhz bu komandalar arasında görüşdə baş hakim Ramil Diniyev kobud səhvə yol verib. Onda bu referi Qəbələdəki matçda meydan sahiblərinin qapısına yanlış penati təyin edib. Bundan sonra Diniyev bir daha "Qəbələ"nin ev oyunlarına təyinat almır. Səfiyarlını dinləyək: "Ramilin bizim matçlarda idarəçilik etməsinə də mənfi münasibət göstərə bilmərik. Sadəcə, Diniyevə "Qəbələ"nin oyununa təyinat vermirlərsə, buna qarışa bilmərik".

Milli.Az


Tags:  Əliyar Ağayev Qəbələnin oyununu idarə etmək istəməyib

RƏYLƏR


Top news