ATV-də yayımlanan “Geriyə baxanda” verilişinin qonağı xalq artisti Fuad Poladov olacaq.
Axşam.az-ın məlumatına görə, Günay Firudinqızının aparıcılıq etdiyi proqramda aktyor həmkarı Amaliya Pənahova ilə küsülü olmasından danışıb:
“Özümə borc bildim ki, bu məsələyə son qoyum”.
48 illik səhnə təcrübəsi olan F.Poladov maraqlı açıqlamaları ilə yadda qalacaq. Verilişin sözügedən buraxılışına həftənin bazar günü saat 10:00-da baxa bilərsiniz.
Qeyd edək ki, Fuad Poladov bir neçə gün əvvəl çalışdığı Akademik Milli Dram Teatrından istefa verib.
