Aktual mövzular: Dollar alış-satışı , Hava haqqında, Məzənnə, Neftin qiyməti

Əvvəl dostlarını içirtdilər, sonra öldürdülər - QUSARDAKI QƏTL

Əvvəl dostlarını içirtdilər, sonra öldürdülər - QUSARDAKI QƏTL

Date: 28 October 2016 15:59

Bu gün Qusarda münaqişə zəminində keçmiş məhkumu boğaraq öldürməkdə təqsirləndirilən İmran Bədirov və Sadiq Əmiraslanovun cinayət işi üzrə məhkəmə prosesi keçirilib.

Lent.az-ın məlumatına görə , Bakı Ağır Cinayətlər Məhkəməsində hakim Tamella Nəsrullayevanın sədrliyi ilə keçirilən prosesdə məhkəmə isintaqı açıq elan edilib. Söz prokurora verilib. Dövlət ittihamçısı Sabir Abdinov ittiham aktının nəticəvi hissəsini  elan edib. 

Hakim təqsirləndirilən şəxslərə elan olunmuş ittihamın mahiyyətini izah edib.  Bildirib ki,  həmin ittiham üzrə təqsirləndirilən şəxslərin törətdikləri əməl məhkəmədə sübut olunsa,  onları 14 ildən 20 ilədək müddətə azadlıqdan məhrum etmə cəzası gözləyir.

Təqsirləndirilən şəxslər elan olunmuş ittiham üzrə özlərini təqsirli biliblər.

Prosesdə zərərçəkən şəxsin hüquqi varisi iştirak etmədiyinə görə, hakim Tamella Nəsrullayeva təqsirləndirilən şəxslərin sərbəst ifadələrinin gələn proses verməsi ilə bağlı qərar qəbul edib.

Proses noyabrın 11-də davam edəcək.

 

 

Qeyd edək ki,  hadisə bu il iyunun 23-də Qusar rayonunun Kuzun-qışlaq kəndində baş verib. Əvvəllər məhkum olunan Əzizulla Məmmədovun üzərində zorakılıq əlamətləri müşahidə edilən  (boğulma üçün xarakterik) meyiti tapılıb.

Qusar rayon polis şöbəsi əməkdaşlarının əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən rayon sakinləri İmran Bədirov və Sadiq Əmiraslanov tutulublar.

Müəyyən edilib ki, İmran Bədirov dostu Sadiq Əmiraslanovla Qusar rayonunun mərkəzi bazarında yerləşən "Sürücü" kafesində yeyib-içiblər.

Sərxoş olan dostların yadına digər dostları Əzizulla Məmmədovun söyüş söyməsi düşüb.  Onlar hesab ediblər ki,  Əzizulla bu söyüşləri işlətməklə onların şəxsiyyətini alçaldıb. 

Bu səbəbdən İmran Bədirov və Sadiq Əmiraslanov Əzizullanı öldürmək qərarına gəliblər.

Onlar məqsədlərini həyata keçirmək üçün Əzizullanı  "VAZ-2107"markalı maşına mindirərək "Çoban" dərəsi adlanan ərazisində yerləşən "Şimal" kafesinə gətiriblər.  Onların məqsədi Əzizullanı içirdərək sərxoş etmək olub.

Buna görə də onlar kafedə içki məclisi qurublar.  Sadiq və İmran həmin vaxt spirtli içki içməyiblər və şərait yaradıblar ki,  Əzizulla daha çox spirtli içki qəbul etsin. Əzizullanın sərxoş olduğunu görən dostlar niyyətlərini həyata keçirmək qərarına gəliblər. Daha sonra İmran Bədirov kafenin arxasına keçərək ip götürüb və ipə ilgək vuraraq cibinə qoyub.  Onlar sonra Əzizullanı Samur-Dəvəçi kanalının yanına gətiriblər. Orada Sadiq Əmiraslanov sərxoş olan və müqavimət göstərə bilməyən Əzizulla Məmmədovu döyüb,  İmran Bədirov isə ipi onun boğazına keçirərək boğub.  Əzizulla hadisə yerində vəfat edib.

Təqsirləndirilən şəxslər Cinayət Məcəlləsinin 120.2.1-ci ( bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürmə) maddəsi ilə ilə ittiham olunurlar.

 


Tags:  Əvvəl dostlarını içirtdilər sonra öldürdülər QUSARDAKI QƏTL


RƏYLƏR


Top news