Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Cahangir Hacıyev şikayətçidir: BƏRAƏT istəyir

Cahangir Hacıyev şikayətçidir: BƏRAƏT istəyir

Date: 28 October 2016 16:34

Beynəlxalq Bankın sabiq rəhbəri Cahangir Hacıyev barəsində olan birinci instansiya məhkəməsinin hökmündən apellyasiya şikayəti verib.

 

Lent.az-a bu barədə Fəxrəddin Mehdiyev məlumat verib. Vəkil bildirib ki, artıq şikayət Bakı Apellyasiya Məhkəməsinə təqdim edilib. F. Mehdiyev sabiq banker barəsində bəraət hökmünün çıxarılmasını istədiklərini deyib. İşə yaxın günlərdə baxılacaq.

 

 

Qeyd edək ki, C. Hacıyev, Beynəlxalq Bankın Mərkəzi filialının direktoru vəzifəsində işləmiş Anar Sultanov, bankın Mərkəzi filialın müdiri işləmiş İlqar Abdullayev, “İnter Security” MMC-nin direktoru işləmiş İbrahim Hüseynov, Mərkəzi filialın direktoru işləmiş Yusif Ələkbərov, bankın Nəqliyyat filialının direktoru işləmiş Kənan Orucov, bankın Nərimanov filialının direktoru işləmiş, hazırda AFB Bankın sədri olan Məmməd Cahangirov və Bakı Fındıq Zavodunun direktoru işləmiş Azad Cavadov Cinayət Məcəlləsinin 179.3.1, 179.3.2 (mütəşəkkil dəstə tərəfindən külli miqdarda mənimsəmə), 308.2 (vəzifə səlahiyyətlərindən sui-istifadə ağır nəticələrə səbəb olduqda), 309.2 (vəzifə səlahiyyətlərini aşma ağır nəticələrə səbəb olduqda), 313-cü (vəzifə saxtakarlığı), 228.1 və 228.4-cü (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə ittiham olunur.

 

 

Bakı Ağır Cinayətlər Məhkəməsinin hökmü ilə Cahangir Hacıyev 15 il

İlqar Abdullayev 6 il 6 ay, Yusif Ələkbərov 8 il 6 ay, İbrahim Hüseynov 7 il 23 gün, Anar Sultanov 7 il 6 ay, Məhəmməd Cahangirov 7 il 6 ay, Kənan Orucov 7 il 6 ay , Azad Cavadov 10 il 11 ay müddətinə azadlıqdan məhrum ediliblər.  İlqar Abdullayev, Məhəmməd Cahangirov və Kənan Orucov şərti cəza alaraq azad olunublar. Bakı Fındıq Zavodunun direktoru olmuş Azad Cavadov 10 il 11 ay müddətinə azadlıqdan məhrum edilib. Zamində olan A. Cavadov məhkəmə zalındaca həbs edilib.


Tags:  Cahangir Hacıyev şikayətçidir BƏRAƏT istəyir


RƏYLƏR


Top news