Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanda akkreditə olmuş attaşelər hərbi hissəni ziyarət edib

Azərbaycanda akkreditə olmuş attaşelər hərbi hissəni ziyarət edib

Date: 28 October 2016 18:34

Müdafiə naziri general-polkovnik Zakir Həsənovun təsdiq etdiyi illik fəaliyyət planına əsasən, ölkəmizdə akkreditə olunmuş xarici dövlətlərin hərbi attaşeləri üçün oktyabrın 28-də Hərbi Hava Qüvvələrinin hərbi hissəsinə tanışlıq səfəri təşkil olunub. Lent.az Müdafiə Nazirliyinin saytına istinadən xəbər verir ki, səfər çərçivəsində qonaqlara hərbi hissə barədə brifinq təşkil edilib və onların sualları cavablandırılıb.

On beş dövləti təmsil edən iyirmidən çox hərbi attaşelik aparatlarının nümayəndələri hərbi hissənin məşğələ otaqları, yataqxana binaları, əsgər yeməkxanası, təlim nöqtələri və obyektləri ilə tanış olublar. Səfər çərçivəsində qonaqlara aviasiya texnikası, o cümlədən təlim-uçuş simulyatorları nümayiş etdirilib.

Hərbi attaşelər səfərin yüksək səviyyədə təşkilinə görə Müdafiə Nazirliyinin rəhbərliyinə minnətdarlıqlarını bildiriblər.

Tədbirin sonunda qonaqlarla xatirə şəkli çəkdirilib.






Tags:  Azərbaycanda akkreditə olmuş attaşelər hərbi hissəni ziyarət edib


RƏYLƏR


Top news