Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

İsveç kronunun məzənnəsi son 7 ilin minimum səviyyəsinə düşüb

İsveç kronunun məzənnəsi son 7 ilin minimum səviyyəsinə düşüb

Date: 28 October 2016 19:07

Bakı. 28 oktyabr. REPORT.AZ/ İsveç kronunun məzənnəsi son 7 ilin minimum səviyyəsinə enib. 
"Report"un "Lenta" saytına istinadən verdiyi xəbərə görə, buna səbəb İsveç Mərkəzi Bankının oktyabrın 27-də keçirdiyi növbəti iclasında mənfi 0,5% olan uçot dərəcələrini dəyişdirməməsi olub. Mərkəzi Bank daha 6 ay uçot dərəcələrini -0,5% səviyyəsində saxlamağa qərar verib.
Qərardan sonra dolların məzənnəsi 9,0433 krona yüksələrək oktyabrın 26-dakı məzənnə ilə müqayisədə 1,47% artıb. Son dəfə dolların məzənnəsi 2009-cu ilin martında 9 krondan baha olub. Avronun məzənnəsi isə dünən 9,8706 krona yüksəlib. Cari məzənnə bundan əvvəl 2010-cu ilin may ayında bugünkü səviyyədə olub.
Mənfi uçot dərəcələrinin 2009-cu ildə tətbiq edilməsi İsveç iqtisadiyyatına son 7 ildə müsbət təsir göstərib, işsizliyi azaldıb, ÜDM-i artırıb, amma inflyasiyanı hədəf 2% səviyyəsinə çatdırmağa yetməyib. 

Tags:  İsveç kronunun məzənnəsi son ilin minimum səviyyəsinə düşüb

RƏYLƏR


Top news