Aktual mövzular: Dollar alış-satışı , Hava, Məzənnə, Neftin qiyməti

Rusiya neft hasilatının dondurulmasına razıdır

Rusiya neft hasilatının dondurulmasına razıdır

S.Ərəbistanı OPEC-in neft hasilatının azaldılması ilə bağlı qərarını uzatmayacaq (10 Mart 2017 15:37)
BƏƏ fevralda neft hasilatının azaldılması üzrə kvotanı yerinə yetirib (08 Mart 2017 04:22)
Rusiya OPEC anlaşmasına əməl etmir (03 Mart 2017 10:07)

Tarix: 28 Oktyabr 2016 21:12

Bakı. 28 oktyabr. REPORT.AZ/ Rusiya OPEC təşkilatına neft hasilatını azaltmayacağını bildirib. 
"Report" "Reuters" agentliyinə istinadən xəbər verir ki, Rusiya gözlənilən qlobal neft anlaşması çərçivəsində ancaq neft hasilatını donduracağını açıqlayıb.
"Reuters"ə yaxın mənbələrin verdiyi məlumata görə, oktyabrın 23-də Ər-Riyadda keçirilən Səudiyyə Ərəbistanı da daxil olmaqla OPEC ölkələri rəsmiləri ilə Rusiya tərəfinin qapalı görüşündə hasilatın mümkün 4% azaldılması müzakirə olunub. Bu təklifin həmçinin bu gün və sabah Avstriyanın paytaxtı Vyanada keçirilən neft hasilatçısı ölkələrin ekspert komissiyasının iclasında müzakirə olunacağı gözlənilir. 
İkigünlük Vyana iclasında İraqın hasilatın həcminin dondurulması və ya azaldılması anlaşmasına qatılmaq istəməməsinin qəbul edilməyəcəyi, ancaq Liviya, Nigeriya və İranın istisna hal kimi anlaşmadan kənar qalmasına imkan veriləcəyi bildirilib.
"Report"un analitik qrupu ən yaxşı halda neft hasilatçısı ölkələrin hasilatı dondurmağa razı olacaqlarını ehtimal edir. Belə bir razılaşmanın ilkin mərhələdə neft qiymətlərinin artmasına səbəb olsa da, daha sonra neftə tələbin azalması və hasilat kvotalarına riayət olunmaması səbəbi ilə pozulacağı proqnozlaşdırılır.

Teqlər:  Rusiya neft hasilatının dondurulmasına razıdır



RƏYLƏR


Top xəbərlər