Qara dənizdə, Bolqarıstan sahillərində neft ehtiyatı aşkarlanıb.
APA-nın TASS agentliyinə istinadən verdiyi xəbərə görə, bunu Bolqarıstanın baş nazirinin müavini Tomislav Donçev bəyan edib.
“Total” şirkətinin bizə verdiyi xəbərə görə, “Asparux xan” yatağında neft ehtiyatı aşkarlanıb”, deyə T.Donçev bildirib.
O, hadisənin detallarını açıqlamayıb.
Qeyd edək ki, “Asparux xan” yatağı Qara dənizdə, Varna şəhərindən 130 km aralıda yerləşir. Neft yatağında kəşfiyyat işlərini tenderi qazanan konsorsium aparır. Konsorsiuma 40%-lik payla Fransanın “Total” başçılıq edir.
