Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Bu gün Azərbaycan Premyer Liqasında X tura start veriləcək

Bu gün Azərbaycan Premyer Liqasında X tura start veriləcək

Date: 29 October 2016 07:57

Bakı. 29 oktyabr. REPORT.AZ/ Bu gün futbol üzrə Azərbaycan Premyer Liqasında X tura start veriləcək.
"Report"un məlumatına görə, turun ilk oyun günündə iki qarşılaşma keçiriləcək.
Açılış matçında "Qəbələ" doğma meydanda Bakının "Neftçi" klubu ilə qarşılaşacaq. Turnir cədvəlinin hazırkı lideri evdə 3 xal qazanacağı təqdirdə X turu da ilk pillədə başa vuracaq. Cari mövsümdə uğursuz çıxışı ilə diqqət çəkən "Neftçi" isə sindromu qırmağa çalışacaq. Bakı klubu qələbə qazanarsa, ən yaxşı halda hazırda 6-cı yerdə gedən "Sumqayıt" klubu ilə xallarını bərabərləşdirmiş olacaq.
Komandalar bu günədək 33 oyunda qüvvələrini sınayıblar. Bu görüşlərin 11-i "Qəbələ"nin, 14-ü isə "Neftçi"nin qələbəsi ilə başa çatıb. 8 oyunda isə bərabərlik qeydə alınıb. Cütlüyün oyununda ən böyük hesab cari mövsümün birinci dövrəsinə təsadüf edib. Həmin görüşdə "Qəbələ" Masazır qəsəbəsindəki "Əlincə Arena"da "Neftçi"ni 8:0 hesabı ilə məğlub edib. "Neftçi" son 3 matçda qalib gələ bilməyib. 11 oyundur meydan sahibi komanda qələbə qazana bilmir.
Günün növbəti görüşü Şüvəlanda baş tutacaq. AZAL "Qarabağ"ı qəbul edəcək. "Qarabağ" çempionluq iddiasını davam etdirmək və lider "Qəbələ"dən geri qalmamaq üçün səfərdən qələbə ilə dönməlidir. AZAL isə sonuncu pillədən xilas olmağa və hazırda ən yaxın qonşusu "Neftçi" ilə xal fərqini azaltmaq üçün qələbəyə çalışacaq. Komandalar bu günədək ölkə çempionatlarında 31 görüşdə üz-üzə gəlib. 19 oyun "Qarabağ"ın, 6-sı isə AZAL-ın qələbəsi ilə yekunlaşıb, 6 oyunda bərabərlik qeydə alınıb. "Qarabağ" ardıcıl iki böyükhesablı qələbə qazanıb. Ötən mövsümün son dövrəsində 3:0 hesablı qələbəyə sevinən Qurban Qurbanovun yetirmələri, cari mövsümdə rəqiblərinə 6:0 hesabı ilə qalib gəliblər. Son 4 qarşılaşmada meydan sahibi komanda quru hesablı qalib gəlib.
Azərbaycan Premyer Liqası, X tur
29 oktyabr
17:00. AZAL - "Qarabağ"
Hakimlər: Orxan Məmmədov, Knyaz Əmiraslanov, Azər Əsgərov, Akif Əmirəli
Əlavə köməkçi hakimlər: Ramil Diniyev, Ömər Paşayev
AFFA nümayəndəsi: Eldar Qasımov
Hakim-inspektor: Məlik Həsənov
Bakı. "AZAL Arena"
15:00. "Qəbələ" - "Neftçi"
Hakimlər: Əliyar Ağayev, Zeynal Zeynalov, Rza Məmmədov, Rahil Ramazanov
Əlavə köməkçi hakimlər: Rəvan Həmzəzadə, Rauf Cabbarov
AFFA nümayəndəsi: Mübariz Hüseynov
Hakim-inspektor: Vüsal Əliyev
Qəbələ şəhər stadionu
Qeyd edək ki, turun son oyun günündə "Zirə" Gəncənin "Kəpəz", "İnter" isə "Sumqayıt" klubunu qəbul edəcək.

Tags:  gün Azərbaycan Premyer Liqasında tura start veriləcək


RƏYLƏR


Top news