Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

BMT Rusiya səfirliyinin atəşə tutulmasını pisləyib

BMT Rusiya səfirliyinin atəşə tutulmasını pisləyib

Date: 29 October 2016 08:22

BMT Təhlükəsizlik Şurası Suriyanın paytaxtı Dəməşqdəki Rusiya səfirliyinin minaatanlardan atəşə məruz qalmasını pisləyib.

Milli.Az APA-ya istinadən xəbər verir ki, bu barədə BMT TŞ-nin Rusiyanın təşəbbüsü ilə qəbul etdiyi bəyanatda bildirilir.
 
Bəyanatda bildirilir ki, diplomatik missiyalarına hücum beynəlxalq hüquqla qadağan edilib.
 
"Təhlükəsizlik Şurasının üzvləri Dəməşqdəki Rusiya səfirliyinin atəşə tutulmasını qətiyyətlə pisləyib, onun beynəlxalq diplomatik normalara, o cümlədən 1961-ci il Diplomatik əlaqələr haqqında Vyana Konvensiyası və 1963-cü il Konsulluq əlaqələr haqqında Vyana Konvensiyasına zidd olduğunu xatırladıblar", sənəddə vurğulanıb.
 
Bəyanatda həmçinin qeyd olunub ki, atəş nəticəsində səfirliyə ciddi maddi ziyan dəyib.
 
Xatırladaq ki, oktyabrın 28-də Dəməşqdə  Rusiya səfirliyi minaatanlardan atəşə tutulub. Hadisə nəticəsində diplomatik missiyanın əməkdaşları xəsarət almayıb.

Milli.Az


Tags:  BMT Rusiya səfirliyinin atəşə tutulmasını pisləyib

RƏYLƏR


Top news