Aktual mövzular: Dollar alış-satışı , Hava haqqında, Məzənnə, Neftin qiyməti

Sabiq rusiyalı nazirin ölüm səbəbi bilindi

Sabiq rusiyalı nazirin ölüm səbəbi bilindi

Date: 29 October 2016 08:32

Rusiyanın sabiq mətbuat naziri Mixail Lesinin Vaşinqtonda ölümü ilə bağlı cinayət işi dayandırılıb.

Milli.Az APA-ya istinadən xəbər verir ki, müstəntiqlər ölümün bədbəxt hadisə olması qənaətinə gəliblər.
 
Prokurorluğun məlumatına görə, polis və prokurorluq Federal Təhqiqatlar Bürosunun dəstəyi ilə sabiq nazirin ölümü ilə bağlı ətraflı araşdırma aparıblar. Təxminən bir il davam edən araşdırmalar nəticəsində məlum olub ki, sabiq məmur bədbəxt hadisə nəticəsində dünyasını dəyişib. Ölümə kəskin alkoqol zəhərlənməsi də təsir edib.
 
Müəyyən edilib ki, 57 yaşlı Mixail Lesin bir neçə gün həddin artıq alkoqol qəbul etdikdən sonra 2015-ci il noyabrın 4-də oteldəki otağına girib. Səhəri gün isə onun üzərində xəsarətlər olan meyiti tapılıb. İstintaq videogörüntülər və şahid ifadələri əsasında bu qənaətə gəlib ki, sabiq nazirin başındakı küt xəsarətlər sərxoş vəziyyətdə yıxılma nəticəsində alınıb.
 
Qeyd edək ki, Mixail Lesin 1999-2004-cü illərdə Rusiyanın mətbuat naziri, 2004-2009-cu illərdə isə Rusiya prezidentinin müşaviri vəzifəsini tutub. O, 2013-2015-ci illərdə "Qazprom-media holdinq"ə rəhbərlik edib.

Milli.Az


Tags:  Sabiq rusiyalı nazirin ölüm səbəbi bilindi

RƏYLƏR


Top news