Aktual mövzular: Dollar alış-satışı , Hava haqqında, Məzənnə, Neftin qiyməti

"Soydaşlarınıza qarşı cinayət hadisələrinin üstü açılmadan Azərbaycana səfər etməyəcəm" - FOTO

"Soydaşlarınıza qarşı cinayət hadisələrinin üstü açılmadan Azərbaycana səfər etməyəcəm" - FOTO

Date: 29 October 2016 09:42

Azərbaycanınn Ukraynadakı fövqəladə və səlahiyyətli səfiri Azər Xudiyev Ukraynanın baş prokuroru Yuri Lutsenko ilə görüşüb.

Milli.Az dailykarabakh-a istinadən bildirir ki, Azər Xudiyevi Azərbaycanın Ukraynadakı səfiri təyin olunması münasibəti ilə təbrik edən baş prokuror Yuri Lutsenko ölkələrimiz müstəqillik əldə etdikdən sonra bir çox sahələrlə yanaşı, prokurorluq və hüquq mühafizə orqanları arasında yaranmış səmərəli əməkdaşlıq əlaqələrindən söz açıb. Bu əlaqələrin dahada inkişaf etdirilməsinin vacibliyini vurğulayıb. 

Luri Lutsenkoya Azərbaycanın baş prokuroru Zakir Qaralovun və Daxili işlər naziri Ramil Usubovun xoş və səmimi salamlarını çatdlıran səfr Azər Xudiyev son illər Azərbyacanda bir çox sahələrlə yanaşı, hüquq-mühafizə orqanları strukturlarında həyata keçirilən köklü islahatlar haqqında ətraflı məlumat verib. Diplomat hər iki ölkənin baş prokurorluqları arasında faydalı əməkdaşlığın genişləndirilməsi, beynəlxalq terrorizmə və cinayətkarlığa qarşı birgə mübarizənin aparılmasının vacibliyini vurğulayaraq, bu istiqamətdə istintaq işinin səmərəliliyinin artırılması məqsədilə qarşılıqlı səfərlərin həyata keçirilməsinin zəruriliyini qeyd edib. Son iki ildə Ukraynada Azərbaycanlı iş adamlarına qarşı həyata keçirilən sui-qəsd və cinayət hadisələrinin qeydə alınmasından narahatlığını ifadə edən səfir Azər Xudiyev baş prokuror Yuri Lutsenkodan baş vermiş cinayət hadisələrini ciddi nəzarət altına almasını xahiş edib. Azərbaycanla Ukrayna arasındakı strateji dostluq əlaqələrinin pozulmasında maraqlı tərəflərin olduğunu diqqətə çatdıran səfir, Ukraynada soydaşlarımıza qarşı həyata keçirilmiş insan oğurluğunun və digər cinayət hadisələrinin üstünün açılması üçün ikitərəfli istintaq qrupunun yaradılması təklifini irəli sürüb.

Görüş zamanı Azərbaycan DİN-nin Ukraynadakı nümayəndəsi, polis polkovniki Şahin Qocayev 2014-cü ildən indiyədək Ukraynada Azərbaycanlılara qarşı həyata keçirilmiş cinayət hadisələrini özündə əks etdirən faktlarla bağlı geniş məlumat verib. Birləşmiş Ukrayna Azərbaycanlıları Konqresinin sədri Rövşən Tağıyev və Konqresin ali məclisinin sədri Akif Gülməmmədov baş vermiş cinayət hadisələri ilə bağlı Ukraynanın daxili işlər nazirliyinə və digər aidiyyəti orqanlarına dəfələrlə rəsmi müraciət olunduğunu və bununla bağlı heç bir ciddi ölçü götürülmədiyini diqqətə çatdırıblar. 

Deyilən faktları diqqətlə dinləyən baş prokuror Yuri Lutsenko son illər Ukraynada baş verən iqtisadi, siyasi böhran durumundan və ölkənin şərqində gedən silahlı olaylardan bir sıra cinayətkar qruplaşmaların yararlandığını və buna qarşı ciddi mübarizə tədbirlərinin həyat keçirildiyini bildirib. Baş prokuror azərbaycanlılara qarşı törədilmiş cinayət hadisələrinin araşdırılması və bu məsələnin ciddi nəzarət altına alınması üçün görüşdə iştirak edən prokurorluğun operativ istintaq qrupuna ciddi göstərişlər verib. 

Azərbaycanın baş prokuroru Zakir Qaralov tərəfindən ölkəmizə rəsmi səfərə dəvət olunduğunu diqqətə çatdıran Yuri Lutsenko ukraynadakı soydaşlarımıza qarşı həyata keçirilmiş cinayət hadisələrinin üstü açılmadan Azərbaycana səfər etməyəcəyini vurğulayıb. O, tezliklə cinayətkar qruplaşmanın yaxalanacağına və bundan sonra ölkəmizə səfər edəcəyinə əmin olduğunu bildirib. 

Görüşdə baş prokurorun müavini Yevqeniy Yenin və prokurorluğun rəsmi nümayəndələri, Azərbaycan Dövlət Televiziyasının Ukrayna və Şərqi Avropa ölkələri üzrə bürosunun rəhbəri Möhsüm Qədiroğlu da iştirak edib.

Milli.Az






Tags:  Soydaşlarınıza qarşı cinayət hadisələrinin üstü açılmadan Azərbaycana səfər etməyəcəm FOTO

RƏYLƏR


Top news