Ağdamda məktəbli qızı it dişləyib.
APA-nın xəbərinə görə, hadisə rayonun Yüzbaşılı kəndində qeydə alınıb. 6-cı sinif şagirdi Fətəliyeva Şəhanə Müsavir qızı it dişləməsi xəsarəti ilə Ağdam Mərkəzi Rayon Xəstəxanasına çatdırılıb.
Ş.Fətəliyyevaya quduzluq əleyhinə zərdab vurulub.
Bu gün məcburi köçkünlər üçün salınmış qəsəbədə 1978-ci il təvəllüdlü Rzayeva Əminə Rza qızı da it dişləmə xəsarəti ilə Ağdam Mərkəzi Rayon Xəstəxanasına yerləşdirilib. Zərərçəkənə tibbi yardım göstərilib, quduzluq əleyhinə zərdab vurulub.
APA-nın xəstəxanadan əldə etdiyi xəbərə görə son bir ayda 15 nəfərdən çox şəxs it dişləməsi şikayəti ilə xəstəxanada qeydiyyata düşüb.
Milli.Az
