Rafael Ağayev Avstriyanın Lints şəhərində keçirilən karate üzrə dünya çempionatında qızıl medal qazanıb.
Fanat.Az xəbər verir ki, Azərbaycan milli komandasının və "Qəbələ” İdman Klubunun üzvü çıxış etdiyi 75 kq çəki dərəcəsində finalda Misir təmsilçisi Onar Abdel Rahman ilə qarşılaşıb. 4:1 hesabı ilə qalib gələn Ağayev 5-ci dəfə dünyanın ən yaxşısı adına sahib çıxıb.
Qeyd edək ki, 13 qat Avropa çempionumuz finala qədər Macarıstan, Hollandiya, Özbəkistan, Ermənistandan və İran idmançılarını mübarizədən kənarlaşdırıb. O, yarımfinalda iranlı rəqibi ilə qarşılaşmada sifətindən zədə alsa da, sonadək mübarizə apararaq, qalib gəlib.
Fanat.Az
