Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycan Premyer Liqasında X turun oyunları keçirilib

Azərbaycan Premyer Liqasında X turun oyunları keçirilib

Date: 29 October 2016 19:47

Bakı. 29 oktyabr. REPORT.AZ/ Bu gün futbol üzrə Azərbaycan Premyer Liqasında X tura start verilib.
"Report"un məlumatına görə, turun ilk oyun günündə iki qarşılaşma keçirilib.
İlk görüşdə "Qəbələ" və "Neftçi" komandaları üz-üzə gəlib. Qəbələ şəhər stadionunda meydan sahiblərinin üstünlüyü ilə keçən oyun, Roman Qriqorçukun yetirmələrinin 4:1 hesablı qələbəsi ilə yekunlaşıb. "Qırmızı-qaralar"ın heyətində Sergey Zenyov dubl edib. Asif Məmmədov və Rəşad Eyyubov isə hərəyə bir dəfə fərqlənib. "Neftçi"nin yeganə qolu Araz Abdullayevin aktivinə yazılıb. Bu nəticədən sonra "Qəbələ" xal ehtiyatını 24-ə çatdıraraq vahid liderə çevrilib. "Neftçi" isə 6 xalla 7-cidir.
Günün son oyunu isə Şüvəlanda keçirilib. AZAL sonuncu ölkə çempionu "Qarabağ"ı qəbul edib. İlk hissədə qapılara qol vurulmayıb. İkinci hissədə qonaqlar fəallıq nümayiş etdirib. Qurban Qurbanovun yetirmələri matçın 63-cü dəqiqəsində fərqlənib. Muarem Muarem topu Aqil Məmmədovun qoruduğu qapıdan keçirib. Oyun bu hesabla da başa çatıb. Xallarını 22-yə çatdran "Qarabağ" ikinci pillədə möhkəmlənib. AZAL isə 3 xalla sonuncudur.
Azərbaycan Premyer Liqası, X tur
29 oktyabr
15:00. "Qəbələ" - "Neftçi" - 4:1
Qollar: Sergey Zenyov, 11, 59, Asif Məmmədov, 62, Rəşad Eyyubov, 77 - Araz Abdullayev, 49
Hakimlər: Əliyar Ağayev, Zeynal Zeynalov, Rza Məmmədov, Rahil Ramazanov
Əlavə köməkçi hakimlər: Rəvan Həmzəzadə, Rauf Cabbarov
AFFA nümayəndəsi: Mübariz Hüseynov
Hakim-inspektor: Vüsal Əliyev
Qəbələ şəhər stadionu
17:00. AZAL - "Qarabağ" - 0:1
Qol: Muarem Muarem, 63
Hakimlər: Orxan Məmmədov, Knyaz Əmiraslanov, Azər Əsgərov, Akif Əmirəli
Əlavə köməkçi hakimlər: Ramil Diniyev, Ömər Paşayev
AFFA nümayəndəsi: Eldar Qasımov
Hakim-inspektor: Məlik Həsənov
Bakı. "AZAL Arena"
Qeyd edək ki, tura sabah keçiriləcək "Zirə" - "Kəpəz" və "İnter" - "Sumqayıt" oyunları ilə yekun vurulacaq.












Tags:  Azərbaycan Premyer Liqasında turun oyunları keçirilib

RƏYLƏR


Top news