Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

ABŞ İstanbuldakı diplomatların ailələrini yenə geri çağırdı

ABŞ İstanbuldakı diplomatların ailələrini yenə geri çağırdı

Date: 30 October 2016 03:14

ABŞ Dövlət Departamenti Türkiyəyə səfər etməyi planlaşdıran və orada işgüzar səfərdə olan vətəndaşlarına xəbərdarlığın müddətini uzadıb.

 

APA-nın “RİA Novosti”yə istinadən verdiyi xəbərə görə, xəbərdarlığa əsasən, İstanbuldakı diplomatların ailələrinə yenidən ABŞ-a qayıtmaq tövsiyə edilib.

 

Xatırladaq ki, sentyabrın 24-də Dövlət Departamenti Türkiyədə dövlət çevrilişi cəhdindən sonra ölkəni tərk etmiş amerikalı diplomatların ailələrinə Türkiyəyə dönməyə icazə verib. Lakin,  Dövlət Departamenti bundan əvvəl, avqustun 29-da Türkiyədən getməsi tövsiyə olunan diplomatların siyahısını genişləndirib.   

 

Bu dəfə isə tövsiyə yalnız İstanbuldakı baş konsulluğa aid edilib. ABŞ-ın Türkiyədəki digər diplomatik missiyalarına bu tövsiyə şamil edilməyib.   

 

Bununla belə, Dövlət Departamenti Türkiyəyə səfər etməyin təhlükəli olduğunu qeyd edib.

 

“Terrorçu qruplaşmalardan gələn təhlükə bütün ölkədə artmaqdadır. Xüsusən də ölkənin cənub-şərq rayonlarına səfərlərdən yayınmaq lazımdır”, - deyə məlumatda bildirib.   


Tags:  ABŞ İstanbuldakı diplomatların ailələrini yenə geri çağırdı


RƏYLƏR


Top news