Bakı. 30 oktyabr. REPORT.AZ/ Rusiya polisi Moskvanın "Spartak" və MOİK klubları arasında ölkə çempionatının XII tur oyunu öncəsi və stadionun tribunlarında etdikləri müxtəlif qanun pozuntularına görə 70-dən çox azarkeşi saxlayıb.
"Report" xəbər verir ki, bu barədə paytaxtın hüquq-mühafizə orqanlarına istinadən TASS məlumat yayıb.
Məlumata görə, matçdan əvvəl Moskvanın müxtəlif ərazilərində azarkeşlər arasında münaqişəli vəziyyətlər yaranıb. İnsidentlər tribunalarda da davam edib.
