Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Standart vaxt zonasına keçidlə bağlı tövsiyyələr

Standart vaxt zonasına keçidlə bağlı tövsiyyələr

Date: 30 October 2016 11:35

Nazirlər Kabinetinin "Azərbaycan Respublikası ərazisində yay vaxtının tətbiq edilməsi haqqında" 1997-ci il 17 mart tarixli 21 nömrəli qərarına əsasən, hər il mart ayının son bazar günü yay vaxtına, oktyabr ayının son bazar günü isə standart vaxt zonasına keçirilirdi və müvafiq olaraq saat əqrəbləri bir saat irəli və geri çəkilirdi.

 

 

Nazirlər Kabinetinin 17 mart 2016-cı il tarixli 131 nömrəli qərarı ilə yuxarıda qeyd edilən qərar ləğv edilmış və müvafiq olaraq 27 mart tarixində ölkə ərazisində yay vaxtına keçid baş verməmişdi. Bu səbəbdən oktyabrın son bazar günü, yəni ayın 30-da saatların 1 saat geri çəkilməsinə ehtiyac qalmamışdır.

 

Lakin təəssüflər olsun ki, görülmüş işlərə baxmayaraq bəzi mobil qurğularında bu gecə saatlar avtomatik olaraq 1 saat geri çəkilib. 

 

Rabitə və Yüksək Texnologiyalar Nazirliyi bildirir ki, buna həmin cihazlarda müvafiq proqram yenilənmələrinin quraşdırılmaması və istifadəçinin telefonunun tənzimləmə parametrlərində "Vaxtın şəbəkədən avtomatik təyin edilməsi" və "Vaxt zonasının avtomatik təyin edilməsi" imkanlarını seçilməməsi səbəb olub. 

 












 

Hazırda bu göstəriciləri seçməklə baş vermiş xətanı aradan qaldırmaq mümükündür.

 

Əgər hər hansı kompüter sistemlərində də belə hallar aşkarlanarsa, vaxtın təyin edilməsi panelindən "avtomatik vaxt zonasının seçilməsi" imkanını aktivləşdirmək lazımdır.

 

Bildirik ki, rabitə və kompüter sistemlərinin fəaliyyətində heç bir xəta baş verməyib, sistemlər normal çalışır və Azərbaycanın standart vaxt zonası GMT+4 olaraq göstərilir.

 

İstifadəçilərdən yuxarıda qeyd olunan tövsiyyələri nəzərə almaları xahiş olunur.




Tags:  Standart vaxt zonasına keçidlə bağlı tövsiyyələr


RƏYLƏR


Top news