Aktual mövzular: Dollar alış-satışı , Hava haqqında, Məzənnə, Neftin qiyməti

Ərdoğanın mərasimində yeganə azərbaycanlı - FOTO

Ərdoğanın mərasimində yeganə azərbaycanlı - FOTO

Date: 30 October 2016 16:13

Türkiyə Prezidenti Rəcəb Tayyib Ərdoğan və həyat yoldaşı Əminə Ərdoğan Türkiyə Cümhuriyyətinin elan olunmasının 93-cü ildönümü münasibətilə Prezident İqamətgahında mərasim təşkil edib.

Publika.az xəbər verir ki, mərasimə siyasət, biznes, idman və sənət dünyasının tanınmış simaları qatılıblar.

Onların arasında Orhan Gəncəbay, Engin Altan Düzyatan, Acun İlıcalı, Kibariye, Burcu Əsmərsoy, Əsər Udar, Oğuzhan Koç, İbrahim Büyükayı, İrəm Dərici, Hakan Peker, Emir Berke Zincidi, Murat Yıldırım, Tolgahan Sayışman, Serkan Çağrı, Uraz Kaygılaroğlu, Metin Şentürk, Vilma Elles kimi məşhur simalar olub.

Mərasimə qatılan yeganə azərbaycanlı sənətçi, əməkdar artist Məlahət Abbasova təəssüratlarını sosial şəbəkədə bölüşüb: “Prezident Sarayında Türkiyə Cümhuriyyətinin elan olunmasının 93-cü ildönümü münasibətilə təşkil olunan mərasimə dəvət olunan yeganə azərbaycanlı sənətçi idim. Bu, mənə qürur hissi verdi. Prezident və həyat yoldaşı ilə maraqlı söhbətimiz oldu. Azərbaycana göstərdikləri diqqətə görə təşəkkür edirəm. İnsanların çox olmasına baxmayaraq, mənim serial və teatr fəaliyyətimlə maraqlanmaları məni xoşbəxt etdi. Daha sonra qızları Esra Albayraq və kürəkənləri Barat Albayraqla uzunmüddətli söhbətimiz oldu. Həm prezidentimizə, həm ailəsinə onları teatrda görmək istədiyimizi, bu ziyarətin bizi xoşbəxt edəcəyini dedim. Əminə və Esra xanım gələcəklərini bildirdilər. Mənə göstərdikləri diqqətə görə prezidentə və ailəsinə minnətdaram”. (musavat.com)


Tags:  Ərdoğanın mərasimində yeganə azərbaycanlı FOTO

RƏYLƏR


Top news