Aktual mövzular: Dollar alış-satışı , Hava haqqında, Məzənnə, Neftin qiyməti

"Zirə" və "İnter" 2 top fərqli qələbə qazanıblar

"Zirə" və "İnter" 2 top fərqli qələbə qazanıblar

Date: 30 October 2016 18:12

Bakı. 30 oktyabr. REPORT.AZ/ Bu gün futbol üzrə Azərbaycan Premyer Liqasında X tura yekun vurulub. 
"Report"un məlumatına görə, turun son oyun günündə iki qarşılaşma keçirilib. Hər iki matç meydan sahiblərinin 2 top fərlqi qələbəsi ilə nəticələnib.
Günün ilk oyununda "Zirə" Gəncənin "Kəpəz" klubunu qəbul edib. Qonaqlar bu matçda həm xal, həm də kapitanı Tural Axundovu itiirblər. Belə ki, təcrübəli müdafiəçi birbaşa qırmızı vərəqə aldığından ən azı 2 oyun meydana çıxa bilməyəcək. Oyunun qəhrəmanı isə "Zirə"nin yarımmüdafiəçisi Cavid Tağıyev olub. Belə ki, gənc futbolçu həm qol verib, həm də penaltini qazanıb. Bu zərbəni isə uzun fasilədən sonya yaşıl meydana qayıdan kapitanı, "Qarabağ"da da komanda yoldaşı olmuş Elvin Məmmədov dəqiq yerinə yetirib.
Turun son görüşündə isə Bakının "İnter" klubu "Sumqayıt"ı qəbul edib. "Bankirlər" bu matçda əzmkar qələbə qazanmağı bacarıb. "Sumqayıt" artıq 2-ci dəqiqədə gənc futbolçusu Mirabdulla Abbasovla hesabı açsa da, meydan sahiblərini hələ fasiləyədək gürcü müdafiəçisi Zurab Xizanaşvilinin sayəsində tarazlığı bərpa edə bilib. İkinci hissədə isə kapitan Nizami Hacıyev etdiyi dublla komandasına növbəti qələbəni qazandırıb.
Azərbaycan Premyer Liqası, X tur
30 oktyabr
14:00. "Zirə" - "Kəpəz" - 2:0
Qollar: Cavid Tağıyev, 69, Elvin Məmmədov, 82-pen
Qırmızı vərəqə: Tural Axundov, 69 ("Kəpəz", birbaşa)
Hakimlər: İnqilab Məmmədov, Nahid Əliyev, Vüsal Qənbərov, Cavanşir Yusifov
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Abas Hüseynov
Hakim-inspektor: Asim Xudiyev
Zirə İdman Kompleksinin stadionu
16:00. "İnter" - "Sumqayıt" - 3:1
Qollar: Zurab Xizanayşvili, 27, Nizami Hacıyev, 55, 80 - Mirabdulla Abbasov, 2
Hakimlər: Ömər Paşayev, Namiq Hüseynov, Vüqar Bayramov, Yaşar Abbasov
Əlavə köməkçi hakimlər: Rəhim Həsənov, Ramil Diniyev
AFFA nümayəndəsi: Ramiz Abdullayev
Hakim-inspektor: Kərim Ağayev
"İnter Arena"
Turun ilk oyun günündə "Qəbələ" evdə "Neftçi"ni 4:1, "Qarabağ" isə səfərdə AZAL-ı 1:0 hesabı ilə məğlub edib.

Tags:  Zirə İnter top fərqli qələbə qazanıblar


RƏYLƏR


Top news