Türkiyənin Mardin vilayətinin Qızıltəpə rayonunda hakim Ədalət və İnkişaf Partiyasının binasına hücum edilib.
APA-nın “Anadolu”ya istinadən verdiyi xəbərə görə, PKK terrorçuları binayat əldəqayırma qumbara atıb, iriçaplı silahlardan atəş açıblar.
Hadisə nəticəsində binanın mühafizəsini təmin edən 3 polis əməkdaşı yaralanıb.
Yaralı polis əməkdaşları xəstəxanaya çatdırılıb. Onların həyatlarına təhlükə olmadığı bildirilir.
Qaçan terrorçuların yaxalanması üçün əməliyyat başlayıb.
