Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Rumıniyada Azərbaycan millisinə hörmətsizlik

Rumıniyada Azərbaycan millisinə hörmətsizlik

Date: 31 October 2016 10:33

Azərbaycanın 17 yaşadək futbolçulardan ibarət milli yığma komandası Avropa çempionatının ilkin seçmə mərhələsinə ev sahibliyi edən Rumıniyadan UEFA-ya şikayət edib.

Publika.az xəbər verir ki, vu barədə “Report”a U-17-nin baş məşqçisi Vüqar Məmməd məlumat verib. O, buna səbəb kimi millimizin Rumıniya ilə oyunöncəsi məşq üçün təşkilatçılar tərəfindən normal meydança ilə təmin edilməməsini göstərib:

“Bizə məşq üçün qaldığımız bazadan aralıda yaxşı vəziyyətdə olmayan meydança təklif etdilər. Orada komandanın məşqinə icazə vermədim. Çünki oyunçular zədə ala bilərdilər”.

Baş məşqçi deyir ki, daha sonra milli komandamız bazaya dönüb və orada trenajor zalında 30 dəqiqəlik məşqlə kifayətlənməli olub.

“Məşqdən sonra təşkilatçıların bu hərəkətindən rəsmən UEFA nümayəndəsinə şikayətimizi bildirdik. Qurumun nümayəndəsi də meydançanın şəkillərini çəkdi və bizə şikayəti UEFA-ya bildirəcəyini söylədi”, - deyə baş məşqçi əlavə edib.

Qeyd edək ki, komandamızla eyni qrupda yer alan İngiltərə və Avstriya millilərinə fərqli münasibət göstərilib.


Tags:  Rumıniyada Azərbaycan millisinə hörmətsizlik

RƏYLƏR


Top news