Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Azərbaycan SECO ilə texniki yardım imkanlarını müzakirə edib

Azərbaycan SECO ilə texniki yardım imkanlarını müzakirə edib

Date: 31 October 2016 11:02

Bakı. 31 oktyabr. REPORT.AZ/ Maliyyə Bazarlarına Nəzarət Palatası (MBNP) Direktorlar Şurasının sədri Rüfət Aslanlının rəhbərlik etdiyi nümayəndə heyəti İsveçrədə işgüzar səfərdədir.
"Report"un Palataya istinadən verdiyi xəbərə görə, səfər zamanı İsveçrə Maliyyə Bazarlarına Nəzarət Orqanı (FİNMA) və İsveçrənin İqtisadi Məsələlər üzrə Dövlət Katibliyinin (SECO) rəhbərliyi və yüksək səviyyəli rəsmiləri ilə görüş keçirilib.
Səfərin birinci günündə baş tutmuş görüş zamanı Azərbaycan nümayəndə heyəti üçün FİNMA-nın fəaliyyət istiqamətlərinə dair təqdimatlar edilib və təcrübə mübadiləsi keçirilib. Görüş zamanı Palatanın Direktorlar Şurasının sədri Rüfət Aslanlı rəhbərlik etdiyi qurumun FİNMA ilə əməkdaşlığa böyük əhəmiyyət verdiyini və mövcud əlaqələrin daha da genişləndirilməsi üçün hər iki qurumun böyük potensiala malik olduğunu bildirib.
Səfərin ikinci günündə SECO-nun qərargahında görüş keçirilib. Görüşdə texniki yardım imkanları, müxtəlif layihələr, o cümlədən uğurla reallaşdırılmış Kapital Bazarlarının Müasirləşdirilməsi Layihəsi (CMMP) müzakirə edilib. Görüş zamanı SECO rəhbərliyinin müavini Conas Frank iki qurum arasında əlaqələrin inkişaf tendensiyasından razılıq ifadə edib. 

Tags:  Azərbaycan SECO texniki yardım imkanlarını müzakirə edib

RƏYLƏR


Top news